പ്രസംഗ മത്സര സമ്മാനദാനം

മട്ടാഞ്ചേരി: ഇന്ത്യൻ ചേംബർ ഒഫ് കൊമേഴ്സ് ആൻഡ് ഇൻഡസ്ട്രി സംഘടിപ്പിച്ച അഖില കേരള പ്രസംഗ മത്സരത്തിന്റെ സമ്മാനദാനം മന്ത്രി റോജി എം. ജോൺ നിർവഹിച്ചു. രാജ്കുമാർ ഗുപ്ത അദ്ധ്യക്ഷനായി. മുഹമ്മദ് ഷിയാസ് എം.എൽ.എ, അക്ഷയ് അഗർവാൾ,​ ചിരാഗ് ജെ. ഷാ എന്നിവർ സംസാരിച്ചു. പ്രസംഗ മത്സരത്തിൽ റിഗ റോസ് ബാബു, അരവിന്ദ് ആർ. ചന്ദ്രൻ,​ ജെറാർഡ് ജോൺ എന്നിവർ ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി. കെ.ആർ. മേത്ത മെമ്മോറിയൽ ഇന്റർ കോളേജ് ഉപന്യാസ മത്സര വിജയികൾക്കും സെന്റ്‌ മേരീസ്‌ ആംഗ്ലോ ഇന്ത്യൻ ഗേൾസ് ഹൈസ്കൂളിനും അവാർഡുകൾ വിതരണം ചെയ്തു.