സിയാലിൽ ജീവൻരക്ഷാ പരിശീലനം

കൊച്ചി: റോട്ടറി ക്ലബ് കൊച്ചിൻ ഹെറിറ്റേജിന്റെ ആഭിമുഖ്യത്തിൽ അമൃത ആശുപത്രിയുടെ സഹകരണത്തോടെ കൊച്ചി വിമാനത്താവളത്തിലെ (സിയാൽ) ജീവനക്കാർക്കായി ജീവൻരക്ഷാ പരിശീലനം സംഘടിപ്പിച്ചു. റോട്ടറി ഇന്റർനാഷണൽ ഡിസ്ട്രിക്ട് 3205 ഗവർണർ ജോഷി ചാക്കോ ഉദ്ഘാടനം ചെയ്തു. സിയാൽ എക്‌സിക്യൂട്ടീവ് ഡയറക്ടർ വി. ജയരാജൻ, റോട്ടറി ക്ലബ് പ്രസിഡന്റ് നൈമൽ തൊക്കിളിയത്ത്, അമൃത ആശുപത്രിയിലെ എമർജൻസി മെഡിസിൽ ഡോ. നവീൻ മോഹൻ, റോട്ടറി അസിസ്റ്റന്റ് ഗവർണർ ശ്രീകുമാർ മാങ്കുഴി, റോട്ടറി ഡിസ്ട്രിക്ട് ഡയറക്ടർ സതീഷ് വാര്യർ, റോട്ടറി ക്ലബ് സെക്രട്ടറി ഡോ. സജിത് കേശവൻ എന്നിവർ സംസാരിച്ചു.