ഭാഗവത വിചാര സത്രം സമാപിച്ചു

കാഞ്ഞങ്ങാട്: സത്സംഗം മാവുങ്കാൽ രാമനഗരം ശ്രീരാമക്ഷേത്രത്തിൽ നടത്തിവന്ന ഭാഗവത സത്രം സമാപിച്ചു. എടമന ശ്രീധരൻ നമ്പൂതിരി സമാപന ചടങ്ങ് ഉദ്ഘാടനം ചെയ്തു. സത്സംഗം കുടുംബാംഗങ്ങൾ ഭാഗവതത്തിന്റെ വിവിധ ഭാഗങ്ങൾ പാരായണം ചെയ്തു. പെരികമന ശ്രീധരൻ നമ്പൂതിരി പ്രഭാഷണം നടത്തി. ബാലകൃഷ്ണൻ എമ്പ്രാന്തിരി പെരികമന ശ്രീധരൻ നമ്പൂതിരിയെ ആദരിച്ചു. ഒരു വർഷം നീണ്ട ഭാഗവതസത്രത്തിൽ പ്രശസ്തരായ ഭാഗവതാചാര്യന്മാർ, വിവിധ തുറകളിൽപ്പെട്ട ക്ഷേത്രസ്ഥാനികർ, സാമൂഹ്യരംഗത്തെ പ്രമുഖർ എന്നിവരെ ആദരിച്ചിരുന്നു. പരപ്പ ബാലൻ മാസ്റ്റർ ചടങ്ങിൽ ആമുഖ പ്രഭാഷണം നടത്തി. സത്സംഗം സംയോജകൻ ഹരിഹരൻ നമ്പ്യാർ, വാർഡ് മെമ്പർ സജി കുന്നുമ്മൽ, പി.പി രാധിക ടീച്ചർ, സുമ രാഘവൻ, സീതവാര്യർ, രുഗ്മിണി ദാമോദരൻ, ചന്ദ്രശേഖരൻ തൈക്കടപ്പുറം എന്നിവർ സമാപന സത്രത്തിന് നേതൃത്വം നൽകി. സത്സംഗം കുടുംബാംഗങ്ങളുടെ അക്ഷരശ്ലോക സദസുമുണ്ടായിരുന്നു.