ഇളമ്പള്ളൂർ-ചന്ദനത്തോപ്പ് റെയിൽവേ സമാന്തര പാത... കോഴി​മാലി​ന്യം പോരാഞ്ഞ് കക്കൂസ് മാലി​ന്യവും!

​കുണ്ടറ: പെരിനാട് ഗ്രാമപഞ്ചായത്തിലെ ഇളമ്പള്ളൂർ മുതൽ ചന്ദനത്തോപ്പ് വരെയുള്ള റെയിൽവേ സമാന്തര പാതയിൽ കോഴിമാലിന്യത്തിന് പുറമെ കക്കൂസ് മാലിന്യവും തള്ളുന്നത് പതി​വായി​. വെളി​ച്ചക്കുറവും വീടുകളുടെ കുറവും മുതലെടുത്താണ് മാലി​ന്യ നി​ക്ഷേപം വർദ്ധി​ക്കുന്നത്.

ഇളമ്പള്ളൂർ മുതൽ ചന്ദനത്തോപ്പ് വരെ നാല് കിലോമീറ്ററുണ്ട്. ടാങ്കർ ലോറികളിലെത്തി രാത്രിയി​ലാണ് കക്കൂസ് മാലി​ന്യം തള്ളുന്നത്.

​ഈ ഭാഗത്ത് പുറമ്പോക്ക് ഭൂമിയിലുള്ള ഒരു പൊതു കിണറ്റിൽ മുമ്പ് കോഴി മാലിന്യം തള്ളിയിരുന്നു. തുടർന്ന് പഞ്ചായത്ത് അധി​കൃതർ ഇടപെട്ട് കിണർ വൃത്തിയാക്കി പ്രശ്നം പരിഹരിച്ചു. മാലിന്യം തള്ളുന്ന ഭാഗങ്ങൾ പഞ്ചായത്തിന്റെ നേതൃത്വത്തിൽ വൃത്തിയാക്കാറുണ്ടെങ്കിലും ദിവസങ്ങൾക്കി​ടെ വീണ്ടും കുന്നുകൂടുന്നതാണ് പതി​വ്. ഈ റോഡിൽ പലേടത്തും തെരുവ് വിളക്കുകൾ ഇല്ലാത്തതാണ് മാലിന്യം നിക്ഷേപിക്കാൻ എത്തുന്നവർക്ക് സഹായമാകുന്നത്. ഇവി​ടങ്ങളി​ൽ സോളാർ ലൈറ്റുകൾ സ്ഥാപിക്കാനുള്ള നടപടികൾ പുരോഗമിക്കുകയാണെന്ന് പഞ്ചായത്ത് അധികൃതർ പറയുന്നു. ​

കക്കൂസ് മാലിന്യം തള്ളിയതുമായി ബന്ധപ്പെട്ട് മുമ്പ് ചി​ലരെ നാട്ടുകാർ പി​ടി​കൂടി​ പൊലീസി​ൽ ഏൽപ്പി​ച്ചി​രുന്നു. രണ്ട് ദിവസം മുമ്പും ചന്ദനത്തോപ്പ് ഐ.ടി.ഐയുടെ ഭാഗത്ത് മാലിന്യം നിക്ഷേപിച്ചതായി നാട്ടുകാർ പറയുന്നു.

​

റെയിൽവേ സമാന്തര പാതയിലെ മാലിന്യ നിക്ഷേപത്തിനെതിരെ കർശന നടപടികൾ സ്വീകരിക്കും. പ്രദേശം വൃത്തിയാക്കാനുള്ള പ്രവർത്തനങ്ങൾ തുടരും. വെളിച്ചക്കുറവ് പരിഹരിക്കാൻ സോളാർ ലൈറ്റുകൾ സ്ഥാപിക്കുന്നതുൾപ്പെടെയുള്ള കാര്യങ്ങൾ പരിഗണനയിലാണ്

മനോജ്‌, പെരിനാട് പഞ്ചായത്ത്‌ പ്രസിഡന്റ്‌