ജില്ലാ റോളർ സ്‌കേറ്റിംഗ് ചാമ്പ്യൻ ഷിപ്പ് നാളെ

കൊല്ലം: സംസ്ഥാന, ദേശീയ മെഡൽ ജേതാക്കൾ ഉൾപ്പടെ മത്സരിക്കുന്ന 39-ാമത് ജില്ലാ കേഡറ്റ്‌, സബ് ജൂനിയർ, ജൂനിയർ, സീനിയർ, മാസ്റ്റേഴ്സ് റോളർ സ്‌കേറ്റിംഗ് ചാമ്പ്യൻ ഷിപ്പ് നാളെ കരുനാഗപ്പള്ളിയിൽ ആരംഭിക്കും. രാവിലെ 6ന് ക്വാഡ്, ഇൻലൈൻ റിങ്ക് റേസ് മത്സരങ്ങൾ പുതിയകാവ് അമൃതവിദ്യാലയം ബാസ്കറ്റ് ബോൾ കോർട്ടിൽ ആരംഭിക്കും. സ്പീഡ് സ്‌കേറ്റിംഗ്,​ റോഡ് റേസ് മത്സരങ്ങൾ ഞായറാഴ്ച രാവിലെ 6ന് തുടങ്ങും. 24 മുതൽ നടക്കുന്ന സംസ്ഥാന ചാമ്പ്യൻ ഷിപ്പിലേക്കുള്ള ജില്ലാ ടീമിനെ മത്സരത്തിൽ നിന്ന് തിരഞ്ഞെടുക്കുമെന്ന് ജില്ലാ റോളർ സ്‌കേറ്റിംഗ് അസോസിയേഷൻ സെക്രട്ടറി പി.ആർ.ബാലഗോപാൽ അറിയിച്ചു. ഫോൺ: 9447230830.