മുത്തച്ഛന് ശേഷം കുടുംബത്തിലേക്ക് വീണ്ടും ട്രിപ്പിൾ ജംപ് സ്വർണം

കൊല്ലം: ​മുത്തച്ഛൻ തുടക്കമിട്ട വിജയത്തിന്റെ ആവേശം ഒട്ടും ചോരാതെ ജൂനിയർ ബോയ്സ് ട്രിപ്പിൾ ജംപിൽ സ്വർണനേട്ടവുമായി എസ്.ആദിത്യൻ. മുൻ ട്രിപ്പിൾ ജംപ് താരമായിരുന്ന ഷൺമുഖദാസിന്റെ കാൽപ്പാടുകൾ പിന്തുടർന്നാണ് കൊച്ചുമകൻ ട്രാക്കിൽ ചരിത്രമെഴുതിയത്.
​വള്ളിക്കീഴ് ജി.എച്ച്.എസ്.എസിലെ വിദ്യാർത്ഥിയാണ്. നിലവിൽ കോച്ച് ചിപ്പിയുടെ കീഴിലാണ് പരിശീലനം. ഒരു വർഷത്തെ കഠിന പരിശീലനം കൊണ്ടാണ് ട്രിപ്പിൾ ജംപിൽ 11.66 മീറ്റർ ദൂരം താണ്ടി സ്വർണം സ്വന്തമാക്കിയത്. പുത്തൂർ മണി മന്ദിരത്തിൽ സജികുമാറിന്റെയും ചിഞ്ചു ദാസിന്റെയും മകനാണ്. സഹോദരൻ ആനന്ദ്.