എ.കെ.വി.എം.എസ് കുടുംബസംഗമവും വിദ്യാഭ്യാസ അവാർഡ് ദാനവും 

തമ്പലക്കാട്: അഖില കേരള വിശ്വകർമ്മ മഹാസഭ (എ.കെ.വി.എം.എസ്) 261ാം നമ്പർ ശാഖയുടെ കുടുംബസംഗമവും വിദ്യാഭ്യാസ അവാർഡ് ദാനവും ശാഖാ ഹാളിൽ നടന്നു. ശാഖാ പ്രസിഡന്റ് സി.ആർ ശശികുമാർ അദ്ധ്യക്ഷത വഹിച്ചു. യോഗത്തിൽ താലൂക്ക് യൂണിയൻ പ്രസിഡന്റ് കെ.എ ഗോപാലകൃഷ്ണൻ ആചാരി മുഖ്യപ്രഭാഷണം നടത്തി. വിവിധ കോഴ്‌സുകളിൽ വിജയം നേടിയവർക്കുള്ള വിദ്യാഭ്യാസ അവാർഡ്ദാനം എ.കെ.വി.എം.എസ് താലൂക്ക് യൂണിയൻ സെക്രട്ടറി കെ.എം സുധീഷ് വിതരണം ചെയ്തു. സംസ്ഥാന ഡയറക്ടർ ബോർഡ് അംഗം വി.വി മധുസൂദനൻ, ശാഖ സെക്രട്ടറി കെ.കെ തങ്കച്ചൻ, ശോഭനാ രാജു തുടങ്ങിയവർ പങ്കെടുത്തു.