മഹിളാമോർച്ച പരാതി നൽകി

കോട്ടയം: പ്രധാനമന്ത്രി നരേന്ദ്രമോദിയെയും അദ്ദേഹത്തിന്റെ മാതാവിനെയും കുറിച്ച് സാമൂഹ്യമാദ്ധ്യമങ്ങളിലൂടെ അധിക്ഷേപകരവും അപകീർത്തികരവുമായ പരാമർശങ്ങൾ നടത്തിയെന്ന് ആരോപിച്ച് സോഷ്യൽ മീഡിയ ഇൻഫ്‌ളുവൻസറായ ജാൻമണി ദാസിനെതിരെ മഹിളാ മോർച്ച കോട്ടയം വെസ്റ്റ് ജില്ലാ കമ്മിറ്റി ജില്ലാ പൊലീസ് മേധാവിക്ക് പരാതി നൽകി. മഹിളാ മോർച്ച കോട്ടയം വെസ്റ്റ് ജില്ലാ പ്രസിഡന്റ് ഉഷാ സുരേഷ്, ജനറൽ സെക്രട്ടറി വീണാ വേണുഗോപാൽ, ജില്ലാ സെക്രട്ടറി ബീനാ ജയകുമാർ എന്നിവർ ചേർന്നാണ് പരാതി നൽകിയത്. സംഭവത്തിൽ അന്വേഷണം നടത്തി ആവശ്യമായ നടപടി സ്വീകരിക്കണമെന്ന് പരാതിക്കാർ ആവശ്യപ്പെട്ടു.