ധർണയും ഉത്തരവ് കത്തിക്കലും

ഏറ്റുമാനൂർ: യു.പി.ഐ ഇടപാടുകൾക്ക് ഫീസ് ഏർപ്പെടുത്താൻ തീരുമാനിച്ച കേന്ദ്ര സർക്കാർ നടപടിക്കെതിരെ വ്യാപാരി വ്യവസായി സമിതി ഏറ്റുമാനൂർ ഏരിയാ കമ്മറ്റിയുടെ ആഭിമുഖ്യത്തിൽ പോസ്റ്റോഫീസ് പടിക്കൽ ധർണയും ഉത്തരവ് കത്തിക്കലും നടത്തി.

സമിതി സംസ്ഥാന കമ്മറ്റിയംഗവും ഏരിയാ സെക്രട്ടറിയുമായ എം.കെ സുഗതൻ ധർണ ഉദ്ഘാടനം ചെയ്തു. സമിതി ജില്ലാക്കമ്മറ്റിയംഗം സെബാസ്റ്റ്യൻ വാളം പറമ്പിൽ അദ്ധ്യക്ഷത വഹിച്ചു. എൻ.ഡി സണ്ണി, അനു സുകുമാർ, ജോർജ് ജോസഫ്, കുഞ്ഞുമോൻ, സജിമോൻ പതിയിൽ തുടങ്ങിയവർ സംസാരിച്ചു. ജില്ലാ കമ്മറ്റിയംഗം കെ.ആർ സന്തോഷ് സ്വാഗതം പറഞ്ഞു.