സകുടുംബ മാഗസിൻ​   പ്രകാശനം ചെയ്തു​ 

രാമനാട്ടുകര:വിദ്യാരംഗം കലാസാഹിത്യവേദിയുടെ നേതൃത്വത്തിൽ രാമനാട്ടുകര ഗണപത് എ.യു.പി. ബി സ്കൂളിൽ തയ്യാറാക്കിയ 'സകുടുംബ മാഗസിൻ' ​ എഴുത്തുകാരൻ ​ സത്യനാഥ് രാമനാട്ടുകര പ്രകാശനം ചെയ്തു. സകുടുംബം തയ്യാറാക്കിയ മാഗസിനുകളിൽ ഏറ്റവും മികവ് പുലർത്തിയവർക്കുള്ള സമ്മാനവും സത്യനാഥ് വിതരണം ചെയ്തു.​ സമ്മാനാർഹരായ കുട്ടികളും കുടുംബവും ഒത്തു ചേർന്ന് സമ്മാനം ഏറ്റുവാങ്ങി .ചടങ്ങിൽ സ്കൂളിലെ മുഴുവൻ വിദ്യാർത്ഥികളും രക്ഷിതാക്കളും സമൂഹത്തിന്റെ നാനാതുറകളിലുള്ള പ്രമുഖ വ്യക്തികളും അ​ദ്ധ്യാപകരും പങ്കെടുത്തു. അ​ദ്ധ്യാപകരായ സുനിത എം, രജിത എം ,സിത്താര പി.എം,പത്മം സി ,അശ്വതി എം ,അഫ്സൽ റഹ്മാൻ എം.കെ ,പൂർവവിദ്യാർത്ഥി പ്രതിനിധികളായ എ.വി അനിൽകുമാർ എന്നിവർ നേതൃത്വം നൽകി .