വായനപക്ഷാചരണം ജില്ലാതല ഉദ്ഘാടനം നാളെ

പത്തനംതിട്ട: ജില്ല ലൈബ്രറി കൗൺസിലിന്റെ ആഭിമുഖ്യത്തിൽ വായനപക്ഷാചരണം നാളെ നടക്കും. പത്തനംതിട്ട മാർത്തോമ ഹയർസെക്കൻഡറി സ്‌കൂളിൽ രാവിലെ 10.30ന് നടക്കുന്ന ജില്ലാതല ഉദ്ഘാടനം കളക്ടർ എ.നിസാമുദ്ദീൻ നിർവഹിക്കും. ജില്ല ലൈബ്രറി കൗൺസിൽ പ്രസിഡന്റ് കെ.പി.രാധാകൃഷ്ണൻ അദ്ധ്യക്ഷത വഹിക്കും. സംസ്ഥാന ലൈബ്രറി കൗൺസിൽ എക്സിക്യൂട്ടീവ് അംഗം പി.ആർ.പ്രസാദ് വായനാസന്ദേശം നൽകും. ജില്ല ലൈബ്രറി കൗൺസിൽ സെക്രട്ടറി പി.ജി.ആനന്ദൻ, സ്‌കൂൾ പ്രിൻസിപ്പൽ ഹേമ മേരി മാത്യു എന്നിവർ പങ്കെടുക്കും.