സ്ഥാപക ദിനാചരണം

തിരുവല്ല : മാർത്തോമ്മ കോളേജിന്റെ 74​ാം സ്ഥാപക ദിനാചരണം ഇന്ന് കോളേജ് ഓഡിറ്റോറിയത്തിൽ നടക്കും. രാവിലെ എട്ടിന് കുർബാനയോടെ ആരംഭിക്കുന്ന ചടങ്ങിൽ കോളേജ് മാനേജർ റൈറ്റ് റവ.ഡോ.യൂയാക്കിം മാർ കൂറിലോസ് സഫ്രഗൻ മെത്രാപോലീത്ത അദ്ധ്യക്ഷത വഹിക്കും. ശാന്തി സ്വരൂപ് ഭട്‌നാഗർ പുരസ്‌കാര ജേതാവും കോളേജിന്റെ പൂർവവിദ്യാർഥിയുമായ പ്രൊഫസർ ഡോ.കെ.ജോർജ് തോമസ് മുഖ്യാതിഥിയായി പങ്കെടുക്കും. കോളേജ് പ്രിൻസിപ്പൽ ഡോ.മാത്യു വർക്കി.ടി.കെ, കോളേജ് ട്രഷറർ തോമസ് കോശി, പ്രോഗ്രാം കൺവീനർ ഡോ.അനിത ജോർജ് വർഗീസ് എന്നിവർ സംസാരി​ക്കും.