ഇടിമണ്ണിക്കൽ ഗോൾഡ് ആൻഡ് ഡയമണ്ട്സ് കൊച്ചിയിലെത്തുന്നു

കോട്ടയം : മദ്ധ്യ തിരുവിതാംകൂറിൽ ആദ്യമായി ഹാൾമാർക്ക് സ്വർണാഭരണങ്ങൾ അവതരിപ്പിച്ച ഇടിമണ്ണിക്കൽ ഗോൾഡ് ആൻഡ് ഡയമണ്ട്സിന്റെ പുതിയ ഷോറൂമിന് നാളെ എറണാകുളം എം.ജി റോഡിൽ തുടക്കമാകും. രാവിലെ 10.30ന് മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യും.

15,000 ചതുരശ്രഅടിയുള്ള അത്യാധുനിക ഷോറൂമിൽ റോയൽ ആന്റിക്, ചെട്ടിനാട്, ടെമ്പിൾ , ബംഗാളി , ഡയമണ്ട് കളക്ഷനുകൾ, റോസ് ഗോൾഡ്, ടർക്കിഷ് ഡിസൈനുകൾ തുടങ്ങി രാജ്യത്തിന്റെ വിവിധ ഭാഗങ്ങളിൽ നിന്നുള്ള വൈവിദ്ധ്യമാർന്ന ആഭരണ ശേഖരമുണ്ടാകും. ഒരു ലക്ഷം രൂപ മുതലുള്ള എക്‌സ്ക്ലൂസീവ് ഡയമണ്ട് സെറ്റുകളും ലഭ്യമാണ്. പ്രത്യേകം ബ്രൈഡൽ കളക്ഷനുകളും, ദൈനംദിന ഉപയോഗത്തിന് അനുയോജ്യമായ എക്‌സ്ക്ലൂസീവ് ലൈറ്റ് വെയ്റ്റ്‌ കളക്ഷനുകളും പ്രധാന ആകർഷണങ്ങളാണ്.

കേരളത്തിൽ ആദ്യമായി അവതരിപ്പിച്ച പെയറിംഗ് നെക്ലേസ് കൺസപ്റ്റാണ് ഇടിമണ്ണിക്കൽ ഗോൾഡ് ആൻഡ് ഡയമണ്ട്സിന്റെ പ്രധാന പ്രത്യേകതയെന്ന് മാനേജിംഗ് ഡയറക്ടർ സണ്ണി തോമസ് ഇടിമണ്ണിക്കൽ പറഞ്ഞു. ഉദ്ഘാടനത്തോടനുബന്ധിച്ച് 50 ദിവസത്തെ മെഗാ ഓഫറുമുണ്ട്. സ്വർണാഭരണങ്ങൾക്ക് പണിക്കൂലിയിൽ 20 % കുറവും ഡയമണ്ട് ആഭരണങ്ങൾക്ക് കാരറ്റിന് 20,000 രൂപ വരെ പ്രത്യേക ആനുകൂല്യവുമുണ്ട്.

വിശ്വാസവും ഗുണനിലവാരവും പുതുമയാർന്ന ഡിസൈനുകളും മികച്ച സേവനവും ഒരുമിച്ച് ഉപഭോക്താക്കൾക്ക് സമ്മാനിക്കുകയെന്ന ലക്ഷ്യത്തോടെയാണ് കൊച്ചിയിൽ എത്തുന്നതെന്ന് സണ്ണി തോമസ് ഇടിമണ്ണിക്കൽ പറഞ്ഞു.