യുവതിയുടെ ഫോട്ടോയെടുത്ത ജവാനുനേരെ കൈയേറ്റം

ന്യൂഡൽഹി: മെട്രോ ട്രെയിനിൽ യാത്ര ചെയ്യവേ മൊബൈൽ ഫോണിൽ യുവതിയുടെ ഫോട്ടോയെടുത്ത സി.ഐ.എസ്.എഫ് ഉദ്യോഗസ്ഥന് യാത്രക്കാരുടെ മർദ്ദനം. ശനിയാഴ്‌ച ഡൽഹി മെട്രോയുടെ യെലോ ലൈനിലാണ് സംഭവം. ഫോട്ടോ എടുക്കുന്നത് കണ്ട യുവതി പരാതിപ്പെട്ടെങ്കിലും ഉദ്യോഗസ്ഥൻ സമ്മതിച്ചില്ല. തുടർന്ന് സഹയാത്രികർ ഫോൺ പരിശോധിച്ച് ചിത്രങ്ങൾ നീക്കം ചെയ്‌തു. ഇതിനിടയിലാണ് ചില യാത്രക്കാർ കൈയേറ്റം ചെയ്‌തത്. ഒരാൾ ഫോൺ പിടിച്ചു വാങ്ങിയത് ജവാൻ എതിർത്തപ്പോഴാണ് സംഭവം. കുറ്റാരോപിതനായ ഉദ്യോഗസ്ഥനെ സസ്‌പെൻഡ് ചെയ്തതായി സി.ഐ.എസ്.എഫ് അറിയിച്ചു. വിഷയത്തിൽ അന്വേഷണം ആരംഭിച്ചു.