ക്രീമിലെയർ: ഹർജിയിൽ വിശദവാദം കേൾക്കും

ന്യൂഡൽഹി: ഒ.ബി.സി ക്രീമിലെയറുമായി ബന്ധപ്പെട്ട വിധി സിവിൽ സർവീസ് പരീക്ഷയിൽ നടപ്പാക്കാൻ കൂടുതൽ സമയം അനുവദിക്കണമെന്ന കേന്ദ്രസർക്കാരിന്റെ ആവശ്യത്തിൽ സുപ്രീംകോടതി വിശദവാദം കേൾക്കും. ഉദ്യോഗാർത്ഥികൾ ഒ.ബി.സി ക്രീമിലെയറിലാണോ,​ നോൺ-ക്രീമിലെയറിലാണോയെന്ന് തീരുമാനിക്കേണ്ടത് രക്ഷിതാക്കളുടെ ശമ്പളം നോക്കിയാകരുതെന്ന് മാർച്ച് 11ന് കോടതി വിധിച്ചിരുന്നു. രക്ഷിതാക്കളുടെ സാമൂഹിക സ്ഥിതിയായിരിക്കണം മാനദണ്ഡമെന്നും കോടതി വ്യക്തമാക്കിയിരുന്നു. 2025ൽ സിവിൽ സർവീസ് പരീക്ഷയെഴുതിയവർ പോസ്റ്റിംഗ് കാത്തിരിക്കുകയാണെന്നും,​ അവരുടെ കാര്യത്തിൽ വിധി നടപ്പാക്കുന്നതിൽ പ്രായോഗിക ബുദ്ധിമുട്ടുണ്ടെന്നും കേന്ദ്രത്തിന്റെ ഹർജിയിൽ ചൂണ്ടിക്കാട്ടി. എതിർകക്ഷികളായ ഉദ്യോഗാർത്ഥികൾക്ക് നോട്ടീസ് അയക്കാൻ ജസ്റ്റിസുമാരായ പി.എസ്. നരസിംഹ,​ആർ. മഹാദേവൻ എന്നിവടങ്ങിയ ബെഞ്ച് ഉത്തരവിട്ടു. 17ന് വീണ്ടും പരിഗണിക്കും.