യുവതിയുടെ മോർഫ് ചെയ്ത ചിത്രങ്ങൾ നീക്കം ചെയ്യാൻ മെറ്റയോട് ഹൈക്കോടതി,​ സിജെപി നേതാക്കൾക്ക് നോട്ടീസ്

ന്യൂഡൽഹി: ജന്തർ മന്തറിൽ നടന്ന വിദ്യാ‌ർത്ഥി പ്രക്ഷോഭത്തിനിടെ യുവതിയുടെ മോർഫ് ചെയ്ത ചിത്രം അവരുടെ സമ്മതമില്ലാതെ പ്രചരിപ്പിച്ചെന്ന പരാതിയിൽ കോക്രോച്ച് ജനതാ പാർട്ടി (സി.ജെ.പി)​ നേതാക്കൾക്ക് ഡൽഹി ഹൈക്കോടതി നോട്ടീസയച്ചു. യുവതിയുമായി ബന്ധപ്പെട്ട എല്ലാ ആക്ഷേപകരമായ ചിത്രങ്ങളും ലിങ്കുകളും 24 മണിക്കൂറിനകം നീക്കം ചെയ്യണമെന്ന് മെറ്റയോട് ഹൈക്കോടതി നി‌ർദ്ദേശിക്കുകയും ചെയ്തു. സംഭവത്തിൽ അജ്ഞാതർക്കെതിരെ കേസ് രജിസ്റ്റർ ചെയ്തതിന് പിന്നാലെയാണ് നടപടി.

സി.ജെ.പി നേതാക്കളായ സൗരവ് ദാസ്,​ അഭിജീത് ദിപ്കെ,​ അശുതോഷ് രംഗ,​ രത്ന സിംഗ് എന്നിവർക്കാണ് ഹൈക്കോടതി നോട്ടീസയച്ചത്.യുവതിക്ക് പൊലീസ് സംരക്ഷണം നൽകാനും കോടതി ഉത്തരവിട്ടു. യുവതി സമർപ്പിച്ച ഹർജിയിൽ ഡൽഹി പൊലീസിനും കോടതി നോട്ടീസയച്ചു. രണ്ടാഴ്ചയ്ക്കകം റിപ്പോർട്ട് സമർപ്പിക്കണമെന്നും കോടതി നിർദ്ദേശിച്ചു.