‘ഈ നഗരമേതെന്ന് പറയാമോ?’ മറുപടിയുമായി മോദി, വൈറൽ

ന്യൂഡൽഹി: 'നിങ്ങൾക്ക് ഈ മഹത്തായ പട്ടണം തിരിച്ചറിയാൻ കഴിയുമോ?’ ഒരു ചിത്രം പങ്കുവച്ച് ലോസ്റ്റ് ടെമ്പിൾസ് എന്ന ട്വിറ്റർ പേജിൽ വന്ന ചോദ്യമാണ്. ഈ ചോദ്യത്തിന് മറുപടിയുമായി എത്തിയതാകട്ടെ പ്രധാനമന്ത്രി നരേന്ദ്രമോദിയും. ഇതോടെ ട്വീറ്റും മോദിയുടെ മറുപടിയും സമൂഹമാദ്ധ്യമങ്ങളിൽ വൈറലായി.

നദിയുടെ തീരത്ത് ദീപങ്ങൾ നിറഞ്ഞുനിൽക്കുന്ന പടവുകളും പൂജകളും ഭക്തരും നിറയുന്ന ഒരു ചിത്രം പങ്കുവച്ച് ഈ പട്ടണം തിരിച്ചറിയാനാകുമോ എന്നായിരുന്നു ചോദ്യം. ഇതിന് മോദിയുടെ മറുപടി ഇങ്ങനെ.

'എനിക്ക് ഉറപ്പായും തിരിച്ചറിയാനാകും. കുറച്ച് വർഷങ്ങൾക്ക് മുമ്പ് ഞാൻ ഈ ചിത്രം പങ്കുവച്ചതാണ്. ഇത് കാശിയിലെ രത്‌നേശ്വർ മഹാദേവ ക്ഷേത്രമാണ്."– മോദി കുറിച്ചു.

ഒപ്പം 2017 നവംബറിൽ പോസ്റ്റ് ചെയ്ത ട്വീറ്റിന്റെ ലിങ്കും അദ്ദേഹം കുറിപ്പിൽ ഉൾപ്പെടുത്തി. ദീപാവലി ആഘോഷവേളയിലെ ചിത്രങ്ങളാണ് അന്ന് മോദി പങ്കുവച്ചത്.