സഞ്ജു ജൻ കൗശൽ കേന്ദ്രത്തിന്റെ ബ്രാൻഡ് അംബാസഡർ

ന്യൂഡൽഹി: ക്രിക്കറ്റ് താരം സഞ്ജു സാംസൺ ഡൽഹിയിലെ ജൻ കൗശൽ കേന്ദ്രത്തിന്റെ ബ്രാൻഡ് അംബാസഡർ. യുവജനങ്ങൾക്കായി എ.ഐ പരിശീലനം അടക്കം നൽകുന്ന പദ്ധതിയാണിത്. കഴിഞ്ഞദിവസം സഞ്ജു മുഖ്യമന്ത്രി രേഖാ ഗുപ്‌തയെ സന്ദർശിച്ചു. താരത്തിന്റെ ബാല്യകാലവും ക്രിക്കറ്റ് ജീവിതത്തിന്റെ തുടക്കവും ഡൽഹിയിലായിരുന്നത് രേഖാ ഗുപ്‌ത പരാമർശിച്ചു. നൈപുണ്യ വികസനശേഷി,മികച്ച തൊഴിൽ,സ്വയംപര്യാപ്‌തത എന്നിവ കൈവരിക്കാൻ രാജ്യതലസ്ഥാനത്തെ യുവജനങ്ങൾക്ക് സഞ്ജു പ്രചോദനമാകുമെന്നും മുഖ്യമന്ത്രി ചൂണ്ടിക്കാട്ടി.