ഡോ.ജി. കിഷോർ എ.എഫ്.ഐ അക്കാഡമിക് ബോർഡ് ചെയർമാൻ

തിരുവനന്തപുരം : ഹൈദരാബാദിലെ യംഗ് ഇന്ത്യ ഫിസിക്കൽ എഡ്യൂക്കേഷൻ ആൻഡ് സ്പോർട്സ് യൂണിവേഴ്സിറ്റി വൈസ് ചാൻസലർ ഡോ.ജി. കിഷോറിനെ അത്‌ലറ്റിക് ഫെഡറേഷൻ ഒഫ് ഇന്ത്യയുടെ അക്കാഡമിക് ബോർഡ് ചെയർമാനായി തിരഞ്ഞെടുത്തു. ഫെഡറേഷന്റെ നയങ്ങൾക്കനുസൃതമായി അക്കാഡമിക് പ്രോഗ്രാമുകൾ ആസൂത്രണം ചെയ്യുകയും പരിശീലന കോഴ്സുകൾ സംഘടിപ്പിക്കുകയും ചെയ്യുന്നതാതാണ് ബോർഡിന്റെ പ്രധാന ചുമതല. സ്പോർട്സ് അതോറിറ്റി ഒഫ് ഇന്ത്യയുടെ മുൻ റീജിയണൽ ഡയറക്ടറും എൽ.എൻ.സി.പി.ഇ മുൻ പ്രിൻസിപ്പലുമാണ് ഡോ.ജി.കിഷോർ.