വൈറ്റ്ഹൗസിൽ സി.എൻ.എൻ അടക്കം മാദ്ധ്യമങ്ങൾക്ക് വിലക്ക്

വാഷിംഗ്ടൺ: വൈറ്റ്‌ഹൗസിൽ സി.എൻ.എൻ, എം.എസ് നൗ, പൊളിറ്റിക്കോ എന്നീ മാദ്ധ്യമങ്ങൾക്ക് വിലക്കേർപ്പെടുത്തി യു.എസ് പ്രസിഡന്റ് ഡൊണാൾഡ് ട്രംപ്. ഈ മാദ്ധ്യമങ്ങളിലെ ജീവനക്കാരെ റിപ്പോർട്ടിംഗിനായി വൈറ്റ് ഹൗസ് പരിസരത്തേക്ക് പ്രവേശിപ്പിക്കില്ല. വ്യാജവാർത്തകളും നുണകളും പ്രചരിപ്പിക്കുന്നെന്ന് കാട്ടിയാണ് നടപടി. മാദ്ധ്യമ സ്വാതന്ത്ര്യത്തെ താൻ പിന്തുണയ്ക്കുന്നെന്നും എന്നാൽ, രാജ്യത്തിന് വേണ്ടത് നീതിയും സത്യവും പുലർത്തുന്ന മാദ്ധ്യമങ്ങളെയാണെന്നും ട്രംപ് പറഞ്ഞു.