ബുക്കർ സമ്മാന പ്രഖ്യാപനം നാളെ

ലണ്ടൻ: ഇക്കൊല്ലത്തെ ബുക്കർ സമ്മാന ജേതാവിനെ നാളെ അറിയാം. ഇന്ത്യൻ സമയം, പുലർച്ചെ 3.15 മുതൽ ലണ്ടനിലെ ഓൾഡ് ബില്ലിംഗ്‌സ്‌ഗേറ്റിലാണ് ചടങ്ങ്. 50,000 പൗണ്ടാണ് (62,78,525 രൂപ) സമ്മാനത്തുക. 163 നോവലുകളിൽ നിന്ന് ആറെണ്ണം ഷോർട്ട്‌ലിസ്റ്റിൽ ഇടംനേടി. ദ എൻഡ് ഒഫ് എവരിതിംഗ് (എം. ജോൺ ഹാരിസൺ), ദ ഡിസപ്പിയറേഴ്സ് (മർലൻ ജെയിംസ്)​,​ ബ്ലാക്ക് ബാഗ് (ലൂക്ക് കെന്നാർഡ്)​,​ മേ വീ ഫീഡ് ദ കിംഗ് (റീബേക്ക പെറി), ദ തിംഗ്സ് വീ നെവർ സേ (എലിസബത്ത് സ്ട്രൗട്ട്), ജോൺ ഒഫ് ജോൺ (ഡഗ്ലസ് സ്റ്റുവർട്ട്)​ എന്നിവയാണ് ഷോർട്ട്‌ലിസ്റ്റിൽ ഇടംനേടിയവ. മർലൻ ജെയിംസിനും ഡഗ്ലസ് സ്റ്റുവർട്ടിനും മുമ്പ് ബുക്കർ ലഭിച്ചിട്ടുണ്ട്. ഇംഗ്ലീഷിൽ രചിച്ച് യു.കെയിലോ അയർലൻഡിലോ പ്രസിദ്ധീകരിക്കുന്ന മികച്ച കൃതികൾക്കാണ് ബുക്കർ സമ്മാനം നൽകുന്നത്.