ലിവർപൂൾ സ്ഫോടനം: മൂന്ന് പേർ അറസ്റ്റിൽ

ലണ്ടൻ: ബ്രിട്ടനിലെ ലിവർപൂളിൽ ആശുപത്രിയ്ക്ക് സമീപം സ്​ഫോടനം നടന്ന സംഭവവുമായി ബന്ധപ്പെട്ട് മൂന്നുപേരെ ഭീകരവാദ നിയമപ്രകാരം പൊലീസ് അറസ്റ്റ് ചെയ്തു. ഞായറാഴ്ച ലിവർപൂൾ വനിതാ ആശുപത്രിക്ക് പുറത്ത് ടാക്​സി കാർ സ്​ഫോടനത്തിൽ പൊട്ടിത്തെറിച്ച്​ ഒരാൾ മരിച്ചിരുന്നു. പരിക്കേറ്റ ഡ്രൈവർ ആശുപത്രിയിൽ ചികിത്സയിലാണ്. 29, 26, 21 വയസ് പ്രായമുള്ളവരെയാണ് കെൻസിംഗ്​ടണിൽ വച്ച്​ നോർത്ത് വെസ്റ്റ്​ പൊലീസ്​ പിടികൂടിയത്​. ലിവർപൂളിൽ നടന്ന ദാരുണമായ സംഭവത്തിൽ ദുരിതമനുഭവിക്കുന്നവർക്കൊപ്പം താനുണ്ടെന്ന്​ പ്രധാനമന്ത്രി ബോറിസ് ജോൺസൻ ട്വീറ്റ് ചെയ്തു. എമർജൻസി സർവീസ്​ നടത്തിയവരോടും പൊലീസിനോടും നന്ദി പറയാൻ താൻ ആഗ്രഹിക്കുന്നുവെന്നും ബോറിസ്​ കുറിച്ചു.