ആക്ഷൻ കമ്മിറ്റി രൂപീ​ക​രിച്ചു

കൊല്ലം: പോള​യ​ത്തോട് റെയിൽവേ ഓവർബ്രിഡ്ജ് നിർമ്മാ​ണ​വു​മായി ബന്ധ​പ്പെട്ട് ആക്ഷൻ കൗൺസിൽ രൂപീ​ക​രി​ച്ചു. ആർ.​ഒ.​ബിയിലെ സർവ്വീസ് റോഡ് നിർമ്മാ​ണ​ത്തിലുണ്ടായ അപാ​കത പരി​ഹ​രിച്ച് 4 മീറ്റർ വീതി എന്നത് യാഥാർത്ഥ്യ​മാ​ക്കണമെന്ന് ആക്ഷൻ കൗൺ​സി​ൽ ആവശ്യപ്പെട്ടു. ചില വ്യക്തി​ക​ളുടെ സാമ്പ​ത്തിക സ്വാധീ​ന​ത്തിന് വഴങ്ങി നില​വിൽ ഉണ്ടാ​യി​രുന്ന അലൈൻമെന്റിന് മാറ്റം വരുത്തി അപ​ക​ടകര​മായും അശാ​സ്ത്രീ​യ​മായും നട​ത്തുന്ന സർവ്വീസ് റോഡ് നിർമ്മാണം നിർത്തി​വയ്ക്കണം. 4 മീറ്റർ വീതിക്കുവേണ്ടി വീടിന്റെ കിട​പ്പ​റ​വരെ പൊളി​ക്കാൻ ചി​ലർ തയ്യാറായപ്പോൾ ഒരു സിറ്റൗ​ട്ടിനു വേണ്ടി അലൈൻമെന്റിൽ മാറ്റം വരുത്തി. സ്ഥലം തിരികെ വിട്ടുകൊടു​ത്ത​തി​ലൂടെ സർക്കാ​രി​ന് സാമ്പ​ത്തിക നഷ്ടം വരു​ത്തു​കയും ചെയ്ത നട​പടി തിരു​ത്തി​യി​ല്ലെങ്കി​ൽ ജനകീയ പ്രക്ഷോഭം ആരംഭി​ക്കുമെന്ന് ഭാര​വാ​ഹി​ക​ളായ സി.​വി. അനിൽകു​മാർ (പ്ര​സി​ഡന്റ്), ആർ.​കൃ​ഷ്ണ​കു​മാർ (​സെ​ക്ര​ട്ട​റി), കൗൺസി​ലർമാ​രായ ജയ​ല​ക്ഷ്മി, ജെ.​സൈ​ജു, കുരു​വിള ജോസ​ഫ് എന്നി​വർ പറഞ്ഞു.