വനമഹോത്സവം

കുളനട : കുളനട ഗ്രാമപഞ്ചായത്ത് ഹയർ സെക്കൻഡറി സ്‌കൂളിൽ നടന്ന വനമഹോത്സവം പഞ്ചായത്ത് പ്രസിഡന്റ് പോൾ രാജൻ ഉദ്ഘാടനം ചെയ്തു. പി.ടി.എ പ്രസിഡന്റ് ഗോപാലകൃഷ്ണൻ നായർ അദ്ധ്യക്ഷതവഹിച്ചു. റാന്നി ഡി.എഫ്.ഒ എൻ.രാജേഷ് മുഖ്യപ്രഭാഷണം നടത്തി. റാന്നി സോഷ്യൽ ഫോറസ്ട്രി എ.സി.എഫ് ബി.രാഹുൽ, കുളനട ഗ്രാമ പഞ്ചായത്ത് അംഗം സുജിത്ത്, പ്രിൻസിപ്പൽ ശ്രീകുമാർ, റാന്നി ആർ.എഫ്.ഒ വി.എസ്.ഷുഹൈബ്, പത്തനംതിട്ട ആർ.എഫ്.ഓ മുഹമ്മദ് സാബിർ.ജെ എന്നിവർ പ്രസംഗിച്ചു. സ്‌നേക്ക് റെസ്‌ക്യൂവർ ഷാജി പാമ്പുകളെ കുറിച്ചുള്ള ക്ലാസെടുത്തു. ഹെഡ്മിസ്ട്രസ് സ്മിത.വി സ്വാഗതവും ഡപ്യൂട്ടി ആർ.എഫ്.ഒ ജോർജ്കുട്ടി കെ.എൻ നന്ദിയും പറഞ്ഞു.