വിദ്യാർത്ഥികളെ അനുമോദിച്ചു

ഏനാത്ത്: ഏഴംകുളം ഗ്രാമപഞ്ചായത്ത് പതിമൂന്നാം വാർഡിൽ എസ്എസ്എൽസി പ്ലസ് ടു വിജയികളായ മുഴുവൻ വിദ്യാർത്ഥികളെയും അനുമോദിച്ചു.. ഏനാത്ത് സാംസ്കാരിക നിലയത്തിൽ നടന്ന സംഗമത്തിൽ വാർഡ് മെമ്പർ .ബുഖാരി നിലാമുറ്റം അദ്ധ്യക്ഷത വഹിച്ചു. ഏഴംകുളം ഗ്രാമപഞ്ചായത്ത് മൂന്നാം വാർഡ് മെമ്പർ അഡ്വ.ബിജു ജോൺ ഉദ്ഘാടനം നിർവഹിച്ചു. ഏഴംകുളം ഗ്രാമപഞ്ചായത്ത് ഒന്നാം വാർഡ് മെമ്പറും അമൃത ചാനൽ കോമഡി മാസ്റ്റേഴ്സ് താരവുമായ രാധിക സന്തോഷ് വിദ്യാർത്ഥികളെ മോമെന്റോ നൽകി ആദരിച്ചു.. ശ്യാം ഏനാത്ത്, സുധാമണി, ഷാഹിദ, ആശ, നിഷാദ, സന്ദാനവല്ലി, വിനോദ് എന്നിവർ സംസാരിച്ചു.