ആര്യനാട് ഇരുചക്ര വാഹനം മോഷ്ടിച്ചു

കാട്ടാക്കട: ആര്യനാട് വീടിന് സമീപത്ത് നിറുത്തിയിട്ടിരുന്ന സ്കൂട്ടർ മോഷണം പോയതായി പരാതി. ഇറവൂർ ശ്രീനിലയത്തിൽ രതീഷിന്റെ ഉടമസ്ഥതയിലുള്ള വാഹനമാണ് മോഷണം പോയത്. കഴിഞ്ഞദിവസം വൈകിട്ട് അഞ്ചരയോടെയാണ് സംഭവം. രതീഷിന്റെ സഹോദരന്റെ ഉടമസ്ഥതയിലുള്ള 'ഫാൽക്കൻ ട്രേഡേഴ്സ്' എന്ന സ്ഥാപനത്തിന് മുന്നിൽ പാർക്ക് ചെയ്തിരുന്ന വാഹനമാണ് മോഷ്ടിച്ചത്. മോഷ്ടാവിന്റേതെന്ന് കരുതുന്ന സി.സി.ടിവി ദൃശ്യം ലഭിച്ചിട്ടുണ്ട്. ഈ ദൃശ്യങ്ങൾ സഹിതം നൽകിയ പരാതിയുടെ അടിസ്ഥാനത്തിൽ ആര്യനാട് പൊലീസ് കേസെടുത്തു.