കൊറോണ കണ്ടുപിടിക്കാൻ ഓൺലൈൻ ബുക്കിംഗ്

മുംബയ്: കൊറോണ ടെസ്റ്റിന് ഓൺലൈൻ വഴി ബുക്ക് ചെയ്യാം. പ്രാക്ടോയുടെ വെബ്സൈറ്റ് വഴിയാണ് കൊറോണ ടെസ്റ്റ് ബുക്കിംഗ് സേവനം ലഭിക്കുക. കേന്ദ്ര സർക്കാർ അംഗീകൃത ലബോറട്ടറിയായ തൈറോ കെയറുമായി ചേർന്നാണ് പ്രാക്ടോ സേവനം ലഭ്യമാക്കുന്നത്. ആദ്യഘട്ടത്തിൽ മുംബയിൽ മാത്രമാകും സേവനം ലഭ്യമാക്കുകയെങ്കിലും വൈകാതെ രാജ്യത്താകെ സേവനം ലഭ്യമാക്കുമെന്ന് പ്രാക്ടോ അധികൃതർ വ്യക്തമാക്കി.

ഇന്നലെ മുതലാണ് മുംബയിൽ സേവനം ലഭ്യമായി തുടങ്ങിയത്. കൊറോണ ടെസ്റ്റിനായി ഓൺലൈൻ വഴി ബുക്ക് ചെയ്യുന്ന ഉപഭോക്താക്കൾ ടെസ്റ്റിനായി എത്തുമ്പോൾ ഡോക്ടറുടെ കുറിപ്പടി, ഫിസിഷ്യൻ ഒപ്പുവച്ച ടെസ്റ്റ് റിക്വിസിഷൻ ഫോം, ഒരു ഫോട്ടോ, ഐ.ഡി കാർഡ് എന്നിവയും ഒപ്പം കരുതണം. 4,500 രൂപയാണ് കൊറോണ ടെസ്റ്റിന്റെ ചെലവ്. 24 മുതൽ 48 മണിക്കൂറിനുള്ളിൽ ടെസ്റ്റിന്റെ ഫലം രോഗിക്ക് പ്രാക്ടോയുടെ വെബ്സൈറ്റിൽ അറിയാൻ സാധിക്കും