മലപ്പുറത്ത് 14കാരിക്ക് ക്രൂരപീഡനം: മയക്കുമരുന്നിന് അടിമയാക്കി പീഡിപ്പിച്ചത് മാസങ്ങളോളം, പി​ടി​യി​ലായത് രണ്ടുപേർ

മലപ്പുറം: മലപ്പുറം കയ്പകഞ്ചേരിയി​ൽ പതിനാലുകാരിക്ക് ക്രൂരപീഡനം. ഏഴുപേരടങ്ങുന്ന സംഘം മയക്കുമരുന്ന് നൽകി പെൺകുട്ടിയെ മാസങ്ങളോളം പീഡിപ്പിക്കുകയായിരുന്നു.കേസിൽ രണ്ട് പേർ അറസ്റ്റിലായി.

ഇൻസ്റ്റ​ഗ്രാം വഴി പരിചയപ്പെട്ട യുവാവ് പെൺകുട്ടിയെ മയക്കുമരുന്നിന് അടിമയാക്കുകയും കൂട്ടുകാരോടൊപ്പം ചേർന്ന് പീഡിപ്പിക്കുകയായിരുന്നു. വീട്ടുകാർ അറിയാതെ പെൺ​കുട്ടി​ക്ക് വീട്ടിലും മയക്കുമരുന്ന് എത്തിച്ചുകൊടുത്തു. പിന്നാലെ ബ്ലാക്ക്മെയിലിം​ഗും പീഡനവും നടത്തി. ബാലക്ഷേമസമിതി കുട്ടിയെ ഏറ്റെടുത്ത് അഭയകേന്ദ്രത്തിലേക്ക് മാറ്റി. പെൺകുട്ടിയെ ഇൻസ്റ്റ​ഗ്രാം വഴി പരിചയപ്പെട്ട യുവാവാണ് മുഖ്യപ്രതി. ശേഷി​ക്കുന്ന പ്രതി​കൾക്കായി​ അന്വേഷണം തുടരുകയാണെന്നാണ് പൊലീസ് പറയുന്നത്.