നാട്ടുകാരും പൊലീസും സൈന്യവും ഒന്നിച്ച് നടത്തിയ​ രക്ഷാപ്രവർത്തനം; ഹെലികോപ്‌ടർ പൂർണമായും കത്തി, ദൃശ്യങ്ങൾ ഞെട്ടിക്കുന്നത്

ഊട്ടി: സംയുക്ത സൈനിക മേധാവി ബിപിൻ റാവത്തും സംഘവും സഞ്ചരിച്ച ഹെലികോപ്‌ടർ അപകടത്തിൽപ്പെട്ടതിനെ തുടർന്ന് നടത്തിയ രക്ഷാപ്രവർത്തന ദൃശ്യങ്ങൾ പുറത്ത്. ഇന്ന് ഉച്ചയ്‌ക്ക് 12.20നായിരുന്നു അപകടം. പതിനാല് യാത്രക്കാരിൽ പതിനൊന്ന് പേർ മരിച്ചതായി സൈനിക വൃത്തങ്ങൾ വ്യക്തമാക്കി.

#WATCH | Latest visuals from the spot (between Coimbatore and Sulur) where a military chopper crashed in Tamil Nadu. CDS Bipin Rawat, his staff and some family members were in the chopper. pic.twitter.com/6oxG7xD8iW

— ANI (@ANI) December 8, 2021

ലാൻഡിംഗിന് പത്ത് കിലോമീറ്റർ അകലെ വച്ചായിരുന്നു അപകടമുണ്ടായത്. നാട്ടുകാരാണ് ആദ്യം രക്ഷാപ്രവർത്തനത്തിനെത്തിയത്. തുടർന്ന് സേന എത്തുകയും തീ നിയന്ത്രണ വിധേയമാക്കുകയും ചെയ്‌തു. രാവിലെ 11.40നായിരുന്നു സംഘം സൂലൂരിൽ നിന്നും വെല്ലിംഗ്ടണിലേക്ക് തിരിച്ചത്.

#WATCH | Latest visuals from the spot (between Coimbatore and Sulur) where a military chopper crashed in Tamil Nadu. CDS Gen Bipin Rawat, his staff and some family members were in the chopper.

(Video Source: Locals involved in search and rescue operation) pic.twitter.com/YkBVlzsk1J

— ANI (@ANI) December 8, 2021

ഡൽഹിയിൽ നിന്നും വെല്ലിംഗ്ടണിലെ ഒരു സൈനിക കേന്ദ്രത്തിലെ ഒരു സെമിനാറിൽ പങ്കെടുക്കാനായിരുന്നു അദ്ദേഹം യാത്ര തിരിച്ചത്. സംഭവസ്ഥലത്ത് നാട്ടുകാരും പൊലീസും സൈന്യവും ഒന്നിച്ചുള്ള രക്ഷാപ്രവർത്തനങ്ങൾ പുരോഗമിക്കുകയാണ്.