ബി.ബി. ഗോപകുമാർ ബി.ജെ.പി നിയമസഭാ കക്ഷി നേതാവ്

തിരുവനന്തപുരം: ബി.ജെ.പി നിയമസഭാ കക്ഷി നേതാവായി ചാത്തന്നൂർ എം.എൽ.എ ബി.ബി.ഗോപകുമാറിനെ തിരഞ്ഞെടുത്തു. പാർട്ടി സംസ്ഥാന അദ്ധ്യക്ഷൻ രാജീവ് ചന്ദ്രശേഖർ ആണ് ഇക്കാര്യം അറിയിച്ചത്. കൊല്ലം,തിരുവനന്തപുരം ജില്ലകൾ ഉൾപ്പെടുന്ന മേഖലയുടെ ബി.ജെ.പി പ്രസിഡന്റായ ഗോപകുമാർ അതിനു മുമ്പ് കൊല്ലം ജില്ലാ പ്രസിഡന്റായിരുന്നു. 2016, 2021 വർഷങ്ങളിൽ ചാത്തന്നൂരിൽ നിന്ന് നിയമസഭയിലേക്ക് മത്സരിച്ച് രണ്ടാം സ്ഥാനത്തെത്തി. സീജയാണ് ഭാര്യ. മക്കൾ: ഗൗതം കൃഷ്ണ, ഗൗരിനന്ദൻ.