HOME / KERALA / GENERAL

അവാർഡുകൾ വാരിക്കൂട്ടി മഞ്ഞുമ്മൽ ബോയ്‌സ്; 55-ാമത് ചലച്ചിത്ര അവാർഡ് പ്രഖ്യാപനം പൂർത്തിയായി

Monday 03 November, 2025 | 5:45 PM READ ENGLISH VERSION

തൃശൂർ: 55-ാമത് സംസ്ഥാന ചലച്ചിത്ര അവാർഡ് പ്രഖ്യാപനം പൂർത്തിയായി. തൃശൂരിൽ വച്ച് നടന്ന ചടങ്ങിൽ സാംസ്‌കാരിക മന്ത്രി സജി ചെറിയാൻ ആണ് അവാർഡുകൾ പ്രഖ്യാപിച്ചത്. 'ഭ്രമയുഗം' എന്ന ചിത്രത്തിലെ പ്രകടനത്തിന് മമ്മൂട്ടി മികച്ച നടനായി തിരഞ്ഞെടുക്കപ്പെട്ടു. രാഹുൽ സദാശിവൻ സംവിധാനം ചെയ്‌ത ചിത്രത്തിൽ കൊടുമൺ പോറ്റി എന്ന കഥാപാത്രത്തെയായിരുന്നു മമ്മൂട്ടി അവതരിപ്പിച്ചത്. ഷംല ഹംസയാണ് മികച്ച നടി. 'ഫെമിനിച്ചി ഫാത്തിമ' എന്ന ചിത്രത്തിലെ പ്രകടനത്തിനാണ് അവാർഡ്.

ചിദംബരം സംവിധാനം ചെയ്‌ത 'മഞ്ഞുമ്മൽ ബോയ്‌സ്' ആണ് മികച്ച ചിത്രം. 'നടന്ന സംഭവം' എന്ന ചിത്രത്തിലെ പ്രകടനത്തിന് ലിജോമോൾ സ്വഭാവനടിയായി തിരഞ്ഞെടുക്കപ്പെട്ടു. സൗബിൻ (മഞ്ഞുമ്മൽ ബോയ്‌സ്), സിദ്ധാർത്ഥ് ഭരതൻ (ഭ്രമയുഗം) എന്നിവരാണ് സ്വഭാവ നടന്മാർ. ജ്യോതിർമയി (ബൊഗൈൻവില്ല), ദർശന രാജേന്ദ്രൻ (പാരഡൈസ്), ടൊവിനോ (എആർഎം), ആസിഫ് അലി (കിഷ്‌കിന്ധാകാണ്ഡം) എന്നിവർക്ക് പ്രത്യേക ജൂറി പരാമർശവും ലഭിച്ചു. പത്ത് അവാർഡുകളാണ് മഞ്ഞുമ്മൽ ബോയ്‌സിന് ലഭിച്ചത്.

പ്രത്യേക ജൂറി പുരസ്കാരം സിനിമ- പാരഡൈസ് (സംവിധാനം പ്രസന്ന വിത്തനാഗെ)

മികച്ച വിഷ്വല്‍ എഫക്ട്സ്- ജിതിന്‍ ലാല്‍, ആല്‍ബര്‍ട്, അനിത മുഖര്‍ജി (എആര്‍എം)

നവാഗത സംവിധായകൻ ഫാസിൽ മുഹമ്മദ് - ഫെമിനിച്ചി ഫാത്തിമ

ജനപ്രീതി ചിത്രം - പ്രേമലു

നൃത്ത സംവിധാനം - സുമേഷ് സുന്ദർ (ബൊഗൈൻവില്ല)

ഡബ്ബിംഗ് ആർട്ടിസ്റ്റ് - സയനോര ഫിലിപ്പ് (ബറോസ്)

ഡബ്ബിംഗ് ആർട്ടിസ്റ്റ് - ഫാസി വൈക്കം(ബറോസ്)

കോസ്റ്റ്യൂം - സമീര സനീഷ് (രേഖാചിത്രം, ബൊഗൈൻവില്ല)

മേക്കപ്പ് ആര്‍ട്ടിസ്റ്റ് - റോണക്‌സ് സേവ്യര്‍ (ബൊഗെയ്ന്‍വില്ല, ഭ്രമയുഗം)

കളറിസ്റ്റ് - ശ്രിക് വാര്യര്‍ (മഞ്ഞുമ്മല്‍ ബോയ്സ്, ബൊഗൈൻവില്ല)

ശബ്ദരൂപകൽപന - ഷിജിൻ മെൽവിൻ (മഞ്ഞുമ്മല്‍ ബോയ്സ്)

സിങ്ക് സൗണ്ട് - അജയൻ അടാട്ട് (പണി)