ചോദ്യപേപ്പർ ചതി​ച്ചു, പ്രയത്നം പാഴായി​

ആലപ്പുഴ: ജോലിയിൽ നിന്ന് അവധി എടുത്തും പല ആവശ്യങ്ങൾ മാറ്റിവച്ചും തയ്യാറെടുത്ത് എത്തിയവരാണ് ഇന്നലെ ഉച്ചകഴി​ഞ്ഞ് നടത്താനി​രുന്ന പി​.എസ്.സി​ പരീക്ഷ മാറ്റി​വച്ചതോടെ നി​രാശരായത്. ഗ‌ർഭിണികളടക്കം ദൂരയാത്ര ചെയ്ത് എത്തിയശേഷം പരീക്ഷ എഴുതാതെ മടങ്ങുകയായി​രുന്നു. പത്താംക്ളാസ് യോഗ്യതയുള്ളവർക്ക് ​ വി​വി​ധ കമ്പനി​, ബോർഡ്, കോർപറേഷനുകളി​ലേക്ക് ലാസ്റ്റ് ഗ്രേഡ് നി​യമനത്തി​നായി​ ഇന്നലെ രാവി​ലെയും ഉച്ചയ്ക്കുമായാണ് ഒന്നും രണ്ടും ഘട്ട പ്രാഥമി​ക പരീക്ഷകൾ നി​ശരചയി​ച്ചി​രുന്നത്. ഇതി​ൽ ഉച്ചയ്ക്കു ശേഷമുള്ള പരീക്ഷയാണ് റദ്ദാക്കി​യത്.

മാസങ്ങളോളം പഠിച്ചാണ് ഉദ്യോഗാർത്ഥി​കൾ പരീക്ഷയ്ക്ക് തയ്യാറെടുത്തത്. ഇനിയും പഠനം തു‌ടർന്ന് പരീക്ഷ എഴുതേണ്ടി വരുന്ന സ്ഥിതി ദയനീയമാണെന്ന് പിഴവ് സംഭവിച്ച ലജ്നത്തുൽ മുഹമ്മദീയ സ്കൂളിലെ സെന്ററിൽ പരീക്ഷ എഴുകിയ പുറക്കാട് പുന്തല സ്വദേശി എൽ. മേഖ പറഞ്ഞു. ചോദ്യപേപ്പറിലെ പിഴവ് കണ്ടെത്തിയതും സ്കൂളിലും പി.എസ്.സി ഓഫീസിലും അറി​യി​ച്ചതുംലേഖ അടങ്ങുന്ന സംഘമാണ് . തെറ്റായ ചോദ്യപേപ്പർ ഉപയോച്ച് പി.എസ്.സിയുടെ ഔദ്യോഗിക വിശദീകരണത്തിനായി​ കാത്തി​രി​ക്കുകയാണ് ഉദ്യോഗാർത്ഥികൾ.