കേന്ദ്രത്തിന്റെ ധനക്കമ്മി ₹9.1 ലക്ഷം കോടി

ന്യൂഡൽഹി: കൊവിഡ് പശ്‌ചാത്തലത്തിൽ നികുതി വരുമാനം ഇടിഞ്ഞതോടെ, കേന്ദ്രസർക്കാരിന്റെ ധനക്കമ്മി നിയന്ത്രണമില്ലാതെ ഉയരുന്നു. നടപ്പുവർഷം ആകെ എട്ട് ലക്ഷം കോടി രൂപയുടെ ധനക്കമ്മി ഉണ്ടാകുമെന്നാണ് സർക്കാർ ബഡ്‌ജറ്റിൽ പറഞ്ഞിരുന്നത്. എന്നാൽ, ഈവർഷം ഏപ്രിൽ-സെപ്‌തംബറിൽ തന്നെ ബഡ്‌ജറ്റിൽ ലക്ഷ്യമിട്ടതിന്റെ 115 ശതമാനം കടന്ന് ധനക്കമ്മി 9.1 ലക്ഷം കോടി രൂപയായി.

മൊത്തം നികുതി വരുമാനം സെപ്‌തംബർ അവസാനം വരെയുള്ള കണക്കനുസരിച്ച് 7.2 ലക്ഷം കോടി രൂപയാണ്. 2019ലെ സമാനകാലത്തേക്കാൾ രണ്ടുലക്ഷം കോടി രൂപ ഇടിഞ്ഞു.