ഈ വർഷം ഫയൽ ചെയ്തത് 5.9 കോടി ആദായനികുതി റിട്ടേൺ

ന്യൂഡൽഹി: 2026-27 സാമ്പത്തിക വർഷത്തേക്ക് ജൂലായ് 31 വരെ 5.9 കോടി ആദായനികുതി റിട്ടേണുകൾ സമർപ്പിച്ചതായി ആദായ നികുതി വകുപ്പ് അറിയിച്ചു. കഴിഞ്ഞ തവണ 7.3 കോടിയിലധികം റിട്ടേണുകളാണ് ഫയൽ ചെയ്തത്. അത്തവണ റിട്ടേൺ സമർപ്പിക്കാൻ സെപ്റ്റംബർ 16 വരെ സമയം നൽകിയിരുന്നു. ഇത്തവണ ജൂലായ് 31 ആയിരുന്നു അവസാന തീയതി.

40 ലക്ഷം റിട്ടേണുകളാണ് അവസാന തീയതിയിൽ ഫയൽ ചെയ്തത്. ഇതു കാരണം ജൂലായ് 31-ന് പോർട്ടലിൽ വലിയ തിരക്കാണ് അനുഭവപ്പെട്ടത്. അക്കൗണ്ടുകൾ ഓഡിറ്റ് ചെയ്യേണ്ടതില്ലാത്ത ശമ്പള വരുമാനക്കാരും വ്യക്തിഗത നികുതി ദായകരും ഐ.ടി.ആർ 1(സഹജ്), ഐ.ടി.ആർ 2 ഫോമുകളാണ് സമർപ്പിച്ചത്.