ഡൽഹിയിൽ രാത്രി എൻഎസ്‌യു സമരം,​ സംഘർഷം; ​ പ്രവർ‌ത്തകരെ പൊലീസ് കസ്റ്റഡിയിൽ എടുത്തു

ന്യൂഡൽഹി : മലയാളി വിദ്യാർത്ഥിനി ആതിര ഉൾപ്പെടെയുള്ളവരെ മർദ്ദിച്ചെന്ന പരാതിയിൽ കേസെടുക്കാത്തതിൽ പ്രതിഷേധിച്ച് രാത്രിയിൽ ഡൽഹിയിൽ എൻ,​എസ്,​യു.ഐ സമരം.. ആതിര അടക്കമുള്ള പ്രവർത്തകർ പാർലമെന്റ് സ്ട്രീറ്റ് സ്റ്റേഷന് മുന്നിൽ പ്രതിഷേധിക്കുകയാണ്. എഫ്.ഐ.ആർ ഇടും വരെ സമരം തുടരുമെന്ന് എൻ,​എസ്.യു.ഐ ദേശീയ പ്രസിഡന്റ് വിനോദ് ജാക്കർ പറഞ്ഞു. പ്രവർത്തകർ ബാരിക്കേഡ് ചാടികടക്കാൻ ശ്രമിച്ചതോടെ സ്ഥലത്ത് സംഘർഷം ഉടലെടുത്തു. പ്രതിഷേധത്തെ തുടർന്ന് റോഡ് ഗതാഗതം സ്തംഭിച്ചു . സംഘർഷാവസ്ഥയെ തുടർന്ന് പ്രവർത്തകരെ പൊലീസ് കസ്റ്റഡിയിലെടുത്ത് നീക്കി.,​ വിനോദ് ജാക്കർ ഉൾപ്പെടെയുള്ളവരെയാണ് ബലംപ്രയോഗിച്ച് നീക്കിയത്.