സെന്റ് എഫ്രേംസിനും പ്രൊവിഡൻസിനും കിരീടം

കളമശേരി: കളമശേരി രാജഗിരി ഹയർ സെക്കൻഡറി സ്കൂൾ ഇൻഡോർ സ്റ്റേഡിയത്തിൽ നടന്ന ഫാ. ഫ്രാൻസിസ് സാലസ് ട്രോഫി ഓൾ കേരള ഇന്റർ സ്കൂൾ ബാസ്കറ്റ്ബോൾ ടൂർണമെന്റിൽ ആൺകുട്ടികളുടെ വിഭാഗത്തിൽ മന്നാനം സെന്റ് എഫ്രേംസ് എച്ച്.എസ്.എസും, പെൺകുട്ടികളുടെ വിഭാഗത്തിൽ കോഴിക്കോട് പ്രൊവിഡൻസ് എച്ച്.എസ്.എസും ജേതാക്കളായി.

ആൺകുട്ടികളുടെ ഫൈനലിൽ കോഴിക്കോട് സിൽവർ ഹിൽസ് എച്ച്.എസ്.എസിനെ 72-63 എന്ന സ്കോറിന് പരാജയപ്പെടുത്തിയാണ് മന്നാനം സെന്റ് എഫ്രേംസ് ഹയർ സെക്കൻഡറി സ്കൂൾ കിരീടം ചൂടിയത്.

പെൺകുട്ടികളുടെ ഫൈനൽ മത്സരത്തിൽ എറണാകുളം സെന്റ് തെരേസാസ് എച്ച്.എസ്.എസിനെ 51-17 എന്ന സ്കോറിന് തകർത്താണ് കോഴിക്കോപ്രൊവിഡൻസ് എച്ച്.എസ്.എസും ജേതാക്കളായത്.