വെള്ളിത്തേരിൽ മലയാളി മനു  മനു ഉൾപ്പെട്ട റിലേ ടീമിനും റോഷിബിനാ ദേവിക്കും വെള്ളി

നഗോയ : മലയാളി അത്‌ലറ്റ് ടി.എസ്. മനു ഉൾപ്പെട്ട 4 x 400 മീറ്റർ ഇന്ത്യൻ മിക്സഡ് റിലേ ടീമിന് അയ്ചി നഗോയ ഏഷ്യൻ ഗെയിംസിൽ വെള്ളി. വിശാൽ, എം.ആർ പൂവമ്മ, വിദ്യ രാംരാജ് എന്നിവരാണ് മനുവിനൊപ്പം ഫൈനലിൽ ഓടിയത്. ഗെയിംസ് റെക്കാഡോടെ ഒന്നാമതെത്തിയ ബഹ്റൈന് പിന്നിലാണ് ഇന്ത്യൻ ടീം ഫിനിഷ് ചെയ്തത്.

വുഷുവിൽ വനിതാതാരം റോഷിബിന ദേവി ഫൈനലിൽ ചൈനീസ് താരത്തോട് തോറ്റ് വെള്ളി നേടി. തൻ്റെ തുടർച്ചയായ മൂന്നാം ഏഷ്യൻ ഗെയിംസിലാണ് മണിപ്പൂരുകാരി റോഷിബിന മെഡലണിയുന്നത്. 2018ൽ വെങ്കലവും 2022ൽ വെള്ളിയും നേ‌ടിയിരുന്നു. ഹാട്രിക്ക് മെഡലണിയുന്ന ആദ്യ ഇന്ത്യൻ വുഷു താരമാണ്. അത്‌ലറ്റിക്സിൽ വനിതകളുടെ 10000 മീറ്ററിലാണ് സീമ വെങ്കലം നേടിയത്. റോവിംഗിൽ സത്നാം സിംഗ് -- സൽമാൻ ഖാൻ സഖ്യവും സ്കീറ്റ് ഷൂട്ടിംഗിൽ അനന്ത്ജീത് സിംഗ് നറുക്ക-പരിനാസ് ധാലിവാൾ സഖ്യവും വെങ്കലം സ്വന്തമാക്കി.

ഇന്ത്യയ്ക്ക് 17 മെഡൽ

ഒരു സ്വർണവും ഏഴ് വെള്ളിയും ഒൻപത് വെങ്കലവും ഉൾപ്പടെ 17 മെഡലുകളുമായി 15-ാം സ്ഥാനത്താണ് ഇന്ത്യ. 80 സ്വർണമുൾപ്പടെ 130 മെഡലുകളുമായി ചൈനയാണ് ഒന്നാമത്.