യൂണിറ്റ് കൺവെൻഷൻ

മുഹമ്മ: കെ.എസ്.എസ്.പി.യു മണ്ണഞ്ചേരി യൂണിറ്റ് കൺവെൻഷനും അംഗത്വം വിതരണവും പുതിയ അംഗങ്ങളെ ആദരിക്കലും നടന്നു. കാവുങ്കൽ ഗ്രന്ഥശാലാ ഹാളിൽ നടന്ന പരിപാടി ജില്ലാ ട്രഷറർ എം. മുഹമ്മദ് യൂനസ് ഉദ്ഘാടനം ചെയ്തു. യൂണിറ്റ് പ്രസിഡന്റ് കെ. ജി. സാത്വികൻ അദ്ധ്യക്ഷനായി. ആര്യാട് ബ്ലോക്ക് ട്രഷറർ ആർ. ലക്ഷ്മണൻ അംഗങ്ങളുടെ കുട്ടികളിൽ ഉന്നതവിജയം നേടിയവരെ അനുമോദിച്ചു. ബ്ലോക്ക് പ്രസിഡന്റ് പി. രാജഗോപാലൻ പുതിയ അംഗങ്ങളെ സ്വീകരിച്ചു. യൂണിറ്റ് ജോയിന്റ്സെക്രട്ടറി ഹഫ്സാ ബീവി സംസാരിച്ചു. യൂണിറ്റ് സെക്രട്ടറി വി.എൻ. ശശിധരൻ നായർ സ്വാഗതവും വൈസ് പ്രസിഡന്റ് സുദർശനൻ നന്ദിയും പറഞ്ഞു.