ഓണം ബോണസ് നൽകണം

കൊല്ലം: കശുഅണ്ടി തൊഴിലാളികൾക്ക് 15000 രൂപ ഓണം ബോണസ് അഡ്വാൻസായി നൽകണമെന്ന് സൗത്ത് ഇന്ത്യൻ കാഷ്യു വർക്കേഴ്സ് കോൺഗ്രസ് ഐ.എൻ.ടി.യു.സി സംസ്ഥാന കമ്മിറ്റി ആവശ്യപ്പെട്ടു. 2026ലെ ബോണസ് 20 ശതമാനവും എക്സ്ഗ്രേഷ്യ 3 ശതമാനവുമായി നിശ്ചയിക്കണമെന്നും സ്റ്റാഫിന് മൂന്ന് മാസവും 15 ദിവസത്തെയും ശമ്പളം ബോണസായി നൽകണമെന്നും അടഞ്ഞു കിടക്കുന്ന ഫാക്ടറികളിലെ തൊഴിലാളികൾക്ക് 5000 രൂപ സമാശ്വാസ വേതനം നൽകണമെന്നുമാണ് ആവശ്യം. യൂണിയൻ പ്രസിഡന്റ് അഡ്വ. ശൂരനാട് എസ്.ശ്രീകുമാർ അദ്ധ്യക്ഷനായി. പെരിനാട് മുരളി, ഒ.ബി.രാജേഷ്, പി.മോഹൻലാൽ, ചന്ദ്രൻ കല്ലട തുടങ്ങിയവർ സംസാരിച്ചു.