ആ കള്ളക്കഥ കാരണം ലീഡറിന്റെ കണ്ണിലെ കരടായി ഷാജി എൻ കരുൺ മാറി; ആദ്യസിനിമ ഇറങ്ങാതിരിക്കാൻ ഗുരുവായൂർ പോയി പ്രാർത്ഥിച്ചു

ദേശീയ - അന്തർദേശീയ തലത്തിൽ മലയാള സിനിമയുടെ യശസുയർത്തിയ സംവിധായകൻ ഷാജി എൻ കരുണിന്റെ വിയോഗത്തിന്റെ ഞെട്ടലിലാണ് മലയാളികൾ. സൂപ്പർ താരങ്ങളായ മമ്മൂട്ടിക്കും മോഹൻലാലിനും ഏറെ പ്രിയപ്പെട്ട സംവിധായകനായിരുന്നു അദ്ദേഹം. എന്നാൽ, ഷാജി എൻ കരുണിനെ വെറുത്തിരുന്ന ഒരു വ്യക്തിയുണ്ട്. ലീഡർ കെ കരുണാകരൻ.

ചി​ത്രാ​ഞ്ജ​ലി​ സ്റ്റുഡിയോ​ ​ലാബിലെ ഒരു ജീവനക്കാരൻ മെനഞ്ഞ കള്ളക്കഥ കാരണമാണ് ലീഡർ കെ കരുണാകരന്റെ കണ്ണിലെ കരടായി ഷാജി എൻ കരുൺ മാറിയത്. ലീഡർ ​പങ്കെ​ടു​ത്ത​ ​ഒ​രു​ ​സ​ർ​ക്കാ​ർ​ ​പ​രി​പാ​ടി​യു​ടെ​ ​പ​ടം​ ​എ​ടു​ക്കാ​ൻ ഷാജി വിസമ്മതിച്ചു എന്ന് പറഞ്ഞാണ് പ്രശ്നങ്ങളുടെ തുടക്കം. ജീവനക്കാരനെ ശകാരിച്ചതിന് ഷാജിയോട് അയാൾ പകരം വീട്ടിയതായിരുന്നു ഈ കള്ളക്കഥ രൂപത്തിൽ. എന്നാൽ, ഇതിന്റെ പേരിൽ ഷാജിയെ തേടിയെത്തിയ പ്രത്യാഘാതങ്ങൾ വളരെ വലുതായിരുന്നു. അദ്ദേഹത്തെ കെഎ​സ്എ​ഫ്ഡിസിയിൽ നിന്ന് സസ്പെൻഡ് ചെയ്തു. മൂ​ന്നു​വ​ർ​ഷം അത് നീണ്ടു.

ഷാജി എൻ കരുണിന്റെ ആദ്യ ചിത്രമായ ​'​പി​റ​വി​"​ ​ഇ​റ​ങ്ങു​ന്ന​ ​സ​മ​യ​ത്ത് അത് തന്നെക്കുറിച്ചാണോ എന്ന് ലീഡറിന് സംശയമുണ്ടായിരുന്നു. സി​നി​മ​ ​ഇ​റ​ങ്ങാ​തി​രി​ക്കാ​ൻ​ ​അ​ദ്ദേ​ഹം​ ​ഗു​രു​വാ​യൂ​രി​ൽ​ ​പോ​യി​ ​പ്രാ​ർ​ത്ഥി​ച്ചു​ ​എ​ന്നു​വ​രെ​ ​ക​ഥ​യി​റ​ങ്ങി​യി​രു​ന്നു.​ ​കോ​ഴി​ക്കോ​ട് ​ചാ​ത്ത​മം​ഗ​ലം​ ​എ​ൻ​ജി​നി​യ​റിം​ഗ് ​കോ​ളേ​ജ് ​വി​ദ്യാ​ർ​ത്ഥി​ ​രാ​ജ​ന്റെ​ ​തി​രോ​ധാ​ന​ത്തെ​ക്കു​റി​ച്ചാ​ണ് ​'​പി​റ​വി​"​ ​യു​ടെ​ ​ക​ഥ​യെ​ന്നും ​ചി​ല​ർ​ ​പ്ര​ച​രി​പ്പി​ച്ചി​രു​ന്നു.​ രാ​ജ​ൻ​ ​കേ​സു​മാ​യി​ ​സി​നി​മ​യ്ക്ക് യാതൊരു ​ബ​ന്ധ​മി​ല്ലെ​ന്ന് ഷാജി പറഞ്ഞെങ്കിലും ​കാ​ര്യ​മു​ണ്ടാ​യി​ല്ല.​ ​സി​നി​മ​ ​ഇ​റ​ങ്ങി​യ​ ​ശേ​ഷ​മാ​ണ് ​അ​ത് എല്ലാവർക്കും ​ബോ​ദ്ധ്യ​മാ​യ​ത്.