SignIn
Kerala Kaumudi Online
Tuesday, 24 May 2022 8.09 AM IST

ഐ പി എൽ ഇന്ത്യയിൽ നടക്കാൻ സാദ്ധ്യത, എല്ലാ മത്സരങ്ങൾക്കും മുംബയ് വേദിയാകും, കാണികളെ പ്രവേശിപ്പിക്കില്ല

ipl

മുംബയ്: ഇന്ത്യയിലെ കൊവിഡ് രോഗികളുടെ നിരക്ക് കുറഞ്ഞാൽ ഇത്തവണത്തെ ഐ പി എൽ ഇന്ത്യയിൽ വച്ച് തന്നെ നടന്നേക്കുമെന്ന് ബി സി സി ഐയിലെ ഉന്നത വൃത്തങ്ങൾ ദേശീയ വാ‌ർത്താ ഏജൻസിയായ എ എൻ ഐയോട് പറഞ്ഞു. നേരത്തെ ടി ട്വന്റി ലീഗ് ദക്ഷിണാഫ്രിക്കയിൽ വച്ച് നടത്താനായിരുന്നു പദ്ധതിയെങ്കിലും ഐ പി എൽ നടക്കേണ്ട സമയമാകുമ്പോഴേക്ക് ഇന്ത്യയിലെ രോഗബാധയുടെ നിരക്ക് കുറയാൻ സാദ്ധ്യതയുണ്ടെന്ന സാഹചര്യം കണക്കിലെടുത്താണ് ഇന്ത്യയിൽ വച്ച് തന്നെ മത്സരങ്ങൾ സംഘടിപ്പിക്കാൻ തത്ക്കാലം ബി സി സി ഐ തീരുമാനിച്ചിരിക്കുന്നത്.

ഇത് സംബന്ധിച്ച് അന്തിമ തീരുമാനം എടുക്കുന്നതിന് വേണ്ടി ഐ പി എൽ ടീം ഉടമകളുടെ ഓൺലൈൻ മീറ്റിംഗ് ബി സി സി ഐ ഇന്ന് വിളിച്ചിരുന്നു. ടീം ഉടമകൾക്ക് മാത്രമായിരുന്നു ഈ മീറ്റിംഗിലേക്ക് ക്ഷണം ലഭിച്ചിരുന്നത്. ഐ പി എൽ ഇന്ത്യയിൽ വച്ച് നടത്താനായിരുന്നു ഉടമകൾക്കും താത്പര്യമെന്നാണ് അറിയാൻ സാധിച്ചത്.

അതേസമയം ഇന്ത്യയിൽ വച്ച് മത്സരങ്ങൾ നടക്കുകയാണെങ്കിൽ മൂന്ന് വേദികളെ ബി സി സി ഐ മുൻകൂട്ടി നിശ്ചയിച്ചിട്ടുണ്ട്. വാങ്കഡേ സ്റ്റേഡിയം, ക്രിക്കറ്റ് ക്ളബ് ഒഫ് ഇന്ത്യ (സി സി ഐ), ഡി വൈ പാട്ടീൽ സ്റ്റേഡിയം എന്നിവയാണ് ഐ പി എൽ വേദികളായി തിരഞ്ഞെടുത്തിട്ടുള്ളത്. മൂന്ന് സ്റ്റേഡിയവും മുംബയിലാണുള്ളത്. ആവശ്യമായി വരികയാണെങ്കിൽ പൂനെയും വേദിയായേക്കുമെന്ന് ബി സി സി ഐ വൃത്തങ്ങൾ വെളിപ്പെടുത്തി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, SPORTS, IPL, CRICKET, COVID, MUMBAI, BCCI
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.