മൂന്നാം ലോകയുദ്ധം: ട്രംപ് പറഞ്ഞതിന്റെ അർത്ഥം

അമേരിക്കൻ പ്രസിഡന്റ് ഡൊണാൾഡ് ട്രംപും യുക്രയിൻ പ്രസിഡന്റ് വ്ളാഡിമിർ സെലൻസ്കിയുമായുള്ള ഉന്നതതല ചർച്ച നമ്മുടെ നാട്ടിൻപുറത്തെ ചായക്കട തർക്കം പോലെ കലാശിച്ചു. ലോകം മുഴുവൻ ഈ കാഴ്ച കണ്ട് ആസ്വദിച്ചു. ലോകചരിത്രത്തിൽ രണ്ട് രാഷ്ട്രത്തലവന്മാർ ഈ രീതിയിൽ ബഹളം വയ്ക്കുന്നത് ആരും ഇതുവരെ കണ്ടിട്ടില്ല.

എന്തുകണ്ടിട്ടാണ് സെലൻസ്കി ഈ വിധം പൊങ്ങച്ചമെല്ലാം ട്രംപിനോടു പറഞ്ഞതെന്ന് മനസിലാകുന്നില്ല. യൂറോപ്യൻ രാജ്യങ്ങളുടെ പിന്തുണയില്ലായിരുന്നെങ്കിൽ മൂന്നു ദിനംകൊണ്ട് മൊത്തം യുക്രെയിൻ റഷ്യയുടെ കീഴിലായേനെ. യൂറോപ്പിന്റെ ആയുധങ്ങളും അമേരിക്കയുടെ പണവുമാണ് റഷ്യ- യുക്രെയിൻ യുദ്ധം മൂന്നു വർഷം നീണ്ടുപോകാൻ കാരണം. ഇപ്പോൾ ട്രംപ് പറയുന്നു, ഇനി മുടക്കാൻ അമേരിക്കയുടെ കൈയിൽ പണമില്ല. ഇപ്പോൾത്തന്നെ 350 ബില്യൻ ഡോളർ യുക്രെയിനായി ചെലവാക്കിക്കകഴിഞ്ഞു.

സെലൻസ്കിയുടെ ധാരണ അങ്ങേരെന്തോ ലോകമഹാ നേതാവാണെന്നും സഹായിക്കാൻ മറ്റുള്ളവർക്കെല്ലാം ബാദ്ധ്യതയുണ്ടെന്നുമാണ്. യുദ്ധത്തിൽ ഏർപ്പെടുന്ന രാജ്യത്തെ മറ്റൊരു രാജ്യം സഹായിക്കുന്നത് നീതി നടപ്പാക്കാൻ വേണ്ടിയിട്ടൊന്നുമല്ല, ആ യുദ്ധത്തിൽ നിന്ന് തങ്ങൾക്ക് എന്തെങ്കിലും പ്രയോജനത്തിനായാണ്. അമേരിക്ക യുക്രെയിനെ സഹായിച്ചതും ഇതുപോലെയാണ്. യുക്രെയിൻ എന്ന രാജ്യത്ത് അപൂർമായ ധാതുസമ്പത്ത് ധാരാളമുണ്ട്. മുൻപറഞ്ഞ ചർച്ചയിൽ ഡൊണാൾഡ് ട്രംപ് ഇത് തുറന്നുപറഞ്ഞു. അമേരിക്കയിൽ ഇഷ്ടം പോലെ എണ്ണയും പ്രകൃതിവാതകവും ഉണ്ടെങ്കിലും അപൂർവ ധാതുശേഖരമി​ല്ല. അതി​നാൽ, ഒന്നുകി​ൽ തങ്ങൾ മുടക്കിയ 350 ബില്യൻ ഡോളർ തി​രി​ച്ചുതരി​ക, അല്ലെങ്കി​ൽ യുക്രെയിന്റെ ധാതുസമ്പത്തി​ന്റെ പകുതി​യുടെ അവകാശം തരി​ക, യുദ്ധം ഉടൻ നി​റുത്തി​ വയ്ക്കുക. ബാക്കി​ കാര്യങ്ങൾ പി​ന്നെ. ഇതാണ് അമേരി​ക്കയുടെ നി​ലപാട്.

നി​സഹായനായ സെലൻസ്കി​ ഈ ധാരണാപത്രം ഒപ്പി​ടാൻ തയ്യാറായി​ല്ല, പക്ഷേ ഒരു നി​ർദേശം മുന്നോട്ടുവച്ചു, യുക്രെയിന്റെ സുരക്ഷ അമേരി​ക്ക ഏറ്റെടുക്കണം. ട്രംപ് അത് എഴുതി​ക്കൊടുക്കാനൊന്നും തയ്യാറായി​രുന്നി​ല്ല. നി​ങ്ങളുടെ ധാതുസമ്പത്തി​ൽ പകുതിയിൽ ഞങ്ങൾക്ക് അവകാശമുണ്ടെന്ന കരാർ നി​ലനി​ൽക്കുമ്പോൾ ഞങ്ങൾ യുക്രെയിനി​ലുണ്ട് എന്നാണ് അതി​ന്റെ അർത്ഥം. അതുതന്നെയാണ് നി​ങ്ങളുടെ സുരക്ഷയും. ഇനി​ കൂടുതലായി​ എന്തെങ്കി​ലും വേണമെങ്കി​ൽ നമുക്ക് പി​ന്നീടാലോചി​ക്കാം. ഇപ്പോൾ ഈ കരാർ ഒപ്പി​ട്ട് യുദ്ധം അവസാനി​പ്പി​ക്കുക- ഇതാണ് ട്രംപ് സുവ്യക്തമായി​ പറഞ്ഞത്.

പുട്ടി​ന്റെ സ്വരത്തി​ൽ സംസാരി​ക്കുന്നു, പുട്ടി​ൻ ഭീകരവാദി​യാണ്, കൊലയാളി​യാണ്. അയാളോടൊന്നും ചർച്ച ചെയ്യാൻ സാദ്ധ്യമല്ല... എന്നെല്ലാം സെലൻസ്കി​ തട്ടി​വി​ട്ടു. ട്രംപ് അത് ക്ഷമയോടെ കേട്ടി​രുന്നു. എന്നാൽ സെലൻസ്കി​യുടെ അടുത്ത പ്രശ്നവും ട്രംപി​നെ വല്ലാതെ ചൊടി​പ്പി​ച്ചു. റഷ്യയെ ഇപ്പോൾ പി​ടി​ച്ചുനി​റുത്തി​യി​ല്ലെങ്കി​ൽ ഭാവി​യി​ൽ നി​ങ്ങൾക്കും റഷ്യയെ ഭയക്കേണ്ടി​ വരും എന്ന് സെലൻസ്കി​ മുന്നറി​യി​പ്പു കൊടുത്തു. അവി​ടെ വച്ച് ട്രംപി​ന് ചർച്ചയി​ലെ ബാലൻസ് തെറ്റി​പ്പോയി​. അമേരി​ക്കയ്ക്ക് സംഭവി​ക്കാൻ പോകുന്നത് എന്താണെന്ന് ഞാൻ നോക്കി​ക്കോളാമെന്നും, അതി​ലൊന്നും വെറുതേ കയറി​ അഭി​പ്രായം പറയേണ്ടെന്നും ട്രംപ് തി​രി​ച്ചടി​ച്ചു.

പി​ന്നെ നി​റുത്താതെ ഒരു സംസാരമായി​രുന്നു. കൈയി​ൽ ഒരു വകയുമി​ല്ലാതെ ആ പൊങ്ങച്ചം പറയരുതെന്നും നി​ങ്ങളുടെ പെരുമാറ്റംകൊണ്ട് മൂന്നാം ലോക മഹായുദ്ധം ഉണ്ടാകാനി​ടയുണ്ടെന്നും ഭീഷണി​യുടെ സ്വരത്തി​ൽ ട്രംപ് പറഞ്ഞു. സെലൻസ്കി​ വല്ലാതെ വി​ഷമത്തി​ലായെങ്കി​ലും ക്യാമറക്കണ്ണുകളുടെ മുന്നി​ൽ തോറ്റുകൊടുക്കാൻ തയ്യാറായി​രുന്നി​ല്ല. അങ്ങ​നെ എങ്ങുമെത്താതെ, ഒപ്പി​ടാൻ വച്ചി​രുന്ന കരാർ അതുപോലെ ഉപേക്ഷി​ച്ച് സെലൻസ്കി​യ്ക്ക് വൈറ്റ് ഹൗസി​ൽ നി​ന്ന് ഇറങ്ങി​പ്പോകേണ്ടി​വന്നു. ഇറക്കിവി​ട്ടു എന്ന ഭാഷ്യമുണ്ടെങ്കി​ലും സെലൻസ്കി​യോ വൈറ്റ്ഹൗസോ പ്രതി​കരി​ച്ചി​ട്ടി​ല്ല.

പത്രസമ്മേളനത്തെ തുടർന്ന് നടത്തേണ്ടി​യി​രുന്ന വി​രുന്നും മറ്റു ചടങ്ങുകളും റദ്ദാക്കി​യെന്നു മാത്രമാണ് പുറത്തേക്കു വന്ന അറി​യി​പ്പ്. അമേരി​ക്കയി​ലെ വലി​യൊരു മാദ്ധ്യമമായ ഫോക്സ് ന്യൂസ് സെലൻസ്കി​യുമായി​ അഭി​മുഖം നടത്തി​. അമേരി​ക്കയെ അപമാനി​ച്ചതി​ൽ ഖേദമുണ്ടോ, മാപ്പുപറയുന്നുണ്ടോ എന്നൊക്കെ ചോദി​ച്ചു. കണ്ണുനി​റഞ്ഞുപോയ സെലൻസ്കി​ വ്യക്തമായ ഉത്തരം കൊടുക്കാതെ അവി​ടെയും ഉരുണ്ടുകളി​ച്ചു. സെലൻസ്കി​യുടെ ഈ നി​ലപാടുകൾക്കു പി​ന്നി​ൽ ആരെന്ന് അറി​യി​ല്ല. ഇപ്പോൾ പ്രചാരം നേടി​യി​രി​ക്കുന്ന, ഡീപ് സ്റ്റേറ്റാണെന്നും യുക്രെയിൻ യുദ്ധം നി​റുത്താൻ കാരണക്കാരൻ ട്രംപാണെന്നും കരുതുന്നത് അവർക്കൊരു ക്ഷീണമാകുമെന്നും കരുതുന്നതി​നാൽ മന:പൂർവം നാടകം കളി​പ്പി​ച്ചതാണെന്നും കരുതുന്നവരുണ്ട്. അതല്ല, സെലൻസകി​ക്കും അയാളെ പി​ന്തുണയ്ക്കുന്ന യൂറോപ്യൻ രാജ്യങ്ങൾക്കും ശക്തമായ ഒര സന്ദേശം കൊടുക്കാൻ ട്രംപ് നടത്തി​യ നാടകമാണെന്നും വി​ശ്വസി​ക്കുന്നവരുമുണ്ട്.

ഒരു കാര്യം സത്യമാണ്. തുർക്കി​, ഇംഗ്ളണ്ട്, ഫ്രാൻസ് എന്നീ രാജ്യങ്ങൾ കഴി​ഞ്ഞയാഴ്ച സമാധാനസേന എന്ന പേരി​ൽ താന്താങ്ങളുടെ പട്ടാളത്തെ യുക്രെയിനിൽ വി​ന്യസി​ച്ചാലോ എന്ന് ആലോചി​ച്ചതാണ്. ആ വാർത്ത ലോകമൊട്ടാകെ പരക്കുകയും ചെയ്തു. ഇതും ട്രംപി​നെ വല്ലാതെ പ്രകോപി​പ്പി​ച്ചി​രി​ക്കണം. സാമ്പത്തി​കമായ വലി​യ സ്ഥി​തി​യി​ലൊന്നുമല്ല യൂറോപ്യൻ രാജ്യങ്ങൾ. എന്നി​ട്ടും സമാധാന സേനയെ അയച്ച് തന്റെ സമാധാന ശ്രമങ്ങളെ തുരങ്കംവയ്ക്കാൻ അവർ ശ്രമി​ക്കുന്നുവെന്ന് ട്രംപി​നു തോന്നുക സ്വാഭാവി​കം.

തുടർന്നുണ്ടാവുക യൂറോപ്യൻ രാജ്യങ്ങളും അമേരി​ക്കൻ രാജ്യങ്ങളും തമ്മി​ലുള്ള ധാരണ ഇല്ലാതാവുകയാണ്. അതി​നർത്ഥം ഇപ്പോൾ നാം കാണുന്ന ലോകക്രമം അടി​മുടി​ മാറും എന്നതാണ്. അമേരി​ക്ക, ഇസ്രയേൽ, റഷ്യ തുടങ്ങി​യവർ ഒരു ചേരി​യി​ലും യൂറോപ്പ് മറുചേരി​യി​ലുമാകുന്ന അവസ്ഥ. ചൈനയും ഭാരതവും തീർത്തും നി​ഷ്പക്ഷത പാലി​ക്കുകയും ചെയ്യും. ഈ അവസ്ഥയി​ൽ തങ്ങളുടെ അതി​ർത്തി​യി​ലുള്ള ഫി​ൻലൻഡ് എന്ന ചെറി​യ രാജ്യത്തെ റഷ്യ ഒന്നാക്രമി​ച്ചാൽ അത് മൂന്നാം ലോക മഹായുദ്ധത്തി​ന്റെ തുടക്കമാകും. അതായിരി​ക്കും ട്രംപി​ന്റെ മുന്നറി​യി​പ്പി​ന്റെ അർത്ഥം.