ഇ.പി.എ​ഫും തുച്ഛമായ പെൻഷനും

രാ​ജ്യ​ത്ത് നി​ല​വി​ലു​ള്ള തൊ​ഴി​ലാ​ളി​ക്ഷേ​മ നി​യ​മ​ങ്ങ​ളിൽ പ്ര​ധാ​ന​പ്പെ​ട്ട​താ​ണ് പ്രോ​വിഡന്റ് ഫ​ണ്ട് ആ​ക്ട്. ഇതിന്റെ ഭാ​ഗ​മാ​യു​ള്ള എം​പ്ലോ​യീ​സ് പെൻ​ഷൻ സ്‌കീം ന​ട​പ്പി​ലാ​ക്കി​യ​ത് 1995ലാ​ണ്. ശ​മ്പ​ള പ​രി​ധി​യു​ടെ പേ​രിൽ ന​ല്ലൊ​രു ശ​ത​മാ​നം തൊ​ഴി​ലാ​ളി​ക​ളെ പി.എഫിൽ നി​ന്നും പു​റ​ത്ത് നിറു​ത്തി​യി​രി​ക്കു​ക​യാ​യിരുന്നു. ഈ നി​ല​യിൽ മാ​റ്റം വ​രു​ത്താ​നും അം​ഗ​ങ്ങ​ളു​ടെ വ​രു​മാ​ന പ​രി​ധി 15000 രൂ​പ​യിൽ നി​ന്ന് 25000 രൂ​പ​യാ​യി ഉ​യർ​ത്താ​നും ക്രേ​ന്ദ​സർ​ക്കാർ അടുത്തിടെ നടപടിയെടുത്തു. ഇ​ത് സ്വാ​ഗ​താർ​ഹ​മാണെ​ങ്കി​ലും വ​രു​മാ​ന​പ​രി​ധി കു​റ​ഞ്ഞ​ത് 50,​000 രൂപയായെങ്കിലും ഉ​യർ​ത്തി​യാൽ മാ​ത്ര​മേ ഭൂ​രി​പ​ക്ഷം തൊ​ഴി​ലാ​ളി​കൾ​ക്കും ഇ​തി​ന്റെ ഗു​ണം ല​ഭി​ക്കൂ.

അതേസമയം, പി.എഫ് പെൻ​ഷൻ​കാ​രു​ടെ ഇ​ന്ന​ത്തെ സ്ഥി​തി പ​ര​മദ​യ​നീ​യമാ​ണ്. 81.5 ല​ക്ഷ​ത്തോ​ളം വ​രു​ന്ന പി.എ​ഫ് പെൻ​ഷൻ​കാ​രിൽ 90 ശ​ത​മാ​നം പേർ​ക്കും (73.57 ല​ക്ഷം) 3000 രൂ​പ​യും അ​തി​നു താ​ഴെ​യും മാ​ത്ര​മാ​ണ് പെൻ​ഷൻ. ഇ​വ​രിൽ 1000 രൂ​പ​യോ അ​തിൽ താ​ഴെ​യോ ല​ഭി​ക്കു​ന്ന​വ​രു​ടെ എ​ണ്ണം 36.8 ല​ക്ഷം വ​രും (45.19ശതമാനം). കേ​വ​ലം 60475 പേർക്കാണ് (0.74ശതമാനം) പ്ര​തി​മാ​സം 5000 രൂ​പ​യ്ക്ക് മു​ക​ളിൽ പെൻ​ഷൻ ല​ഭി​ക്കു​ന്ന​തെ​ന്ന് പി.എ​ഫിന്റെ വാർ​ഷി​ക റി​പ്പോർ​ട്ടിൽ വൃ​ക്ത​മാ​ക്കി​യിട്ടുണ്ട്. പെൻ​ഷൻ ഏ​റ്റ​വും കു​റ​ഞ്ഞ​ത് 5000 രൂ​പയെ​ങ്കി​ലു​മാ​ക്കി മാ​റ്റ​ണ​മെന്ന ശ​ക്ത​മാ​യ ആ​വ​ശ്യം രാ​ജ്യ​ത്തൊ​ട്ടാ​കെ തൊ​ഴി​ലാ​ളി​കൾ ഉ​യർ​ത്തി​ക്കൊ​ണ്ടി​രി​ക്കു​ക​യാ​ണ്.

തൊ​ഴി​ലാ​ളി​ക​ളെ രണ്ടുത​ട്ടു​ക​ളാ​ക്കി തി​രി​ച്ച് അ​തി​ന്റെ പേ​രിൽ അ​വർ​ക്കു​ള്ള പെൻ​ഷൻ ആ​നു​കൂ​ല്യം വെ​ട്ടി​ക്കു​റയ്ക്കാനുള്ള നീ​ക്ക​ങ്ങ​ളാ​ണ് പി​.എ​ഫ് പെൻ​ഷൻ അ​ധി​കാ​രി​കൾ ന​ട​ത്തു​ന്ന​ത്. ഈ നീ​ക്ക​ത്തി​ന്റെ ഭാ​ഗ​മാ​ണ് പ്രോ​റേ​റ്റാ സ്ര​മ്പ​ദാ​യം തൊ​ഴി​ലാ​ളി​കളു​ടെ മേൽ അ​ടി​ച്ചേൽ​പ്പി​ച്ചി​രി​ക്കു​ന്ന​ത്. ഉ​യർ​ന്ന പെൻ​ഷൻ അ​നു​വ​ദി​ക്കു​ന്ന​ത് ഇ.പി.എ​ഫ്.ഒയ്ക്ക് ക​ടു​ത്ത സാ​മ്പ​ത്തി​ക ബാദ്ധ്യ​ത വ​രു​ത്തിവ​യ്ക്കു​മെ​ന്നു​ള്ള വാ​ദ​ങ്ങൾ പൊ​ള്ള​യാ​ണെ​ന്ന് വ്യ​ക്ത​മാ​ക്കി ഇ.പി.എ​ഫ്.ഒയു​ടെതന്നെ 2024-25ലെ വാർ​ഷി​ക റി​പ്പോർ​ട്ട് പു​റ​ത്ത് വ​ന്നി​രി​ക്കു​ക​യാ​ണ്.

പെൻ​ഷൻ ഫ​ണ്ടി​ന്റെ ആ​കെ മൂ​ല്യം ആ​ദ്യ​മാ​യി 10 ല​ക്ഷം കോ​ടി രൂ​പ ക​ട​ന്ന​താ​യി പ​റ​യു​ന്ന റി​പ്പോർ​ട്ടിൽ പെൻ​ഷൻ ചെ​ല​വു​കൾ​ക്കാ​യി ഈ വ​രു​മാ​ന​ത്തി​ന്റെ അ​ഞ്ചിൽ ഒ​ന്നുപോ​ലും ചെ​ല​വ​ഴി​ക്കേ​ണ്ടി വ​രു​ന്നി​ല്ലെ​ന്ന് വ്യക്തമാ​ണ്. പെൻഷൻ ഫണ്ടിൽ അ​താ​ത് വർ​ഷം ല​ഭി​ക്കു​ന്ന പ​ലി​ശ വ​രു​മാ​ന​ത്തി​ന്റെ ഒ​രു അം​ശം കൊ​ണ്ടു​ത​ന്നെ പെൻ​ഷൻ നൽ​കാൻ ഇ.പി.എ​ഫ്.ഒയ്ക്ക് ക​ഴി​യു​ന്നു​ണ്ട്. 2024​-25ൽ ല​ഭി​ച്ച പ​ലി​ശ വ​രു​മാ​നം 64374.77 കോ​ടി​യാ​ണ്. എ​ന്നാൽ പെൻ​ഷ​നും മ​റ്റ് ആ​നു​കൂ​ല്യ​ങ്ങൾക്കുമായി ആ​കെ വി​ത​ര​ണം ചെ​യ്ത​ത് 27963.76 കോ​ടി മാ​ത്രം. പ​ലി​ശ വ​രു​മാ​ന​ത്തി​ന്റെ 43.46ശതമാനം.

പി.എഫ് പെൻ​ഷൻ വർദ്ധിപ്പിക്കുന്നതിന് ആവശ്യമായ മാ​റ്റ​ങ്ങൾ പെൻ​ഷൻ ആ​ക്ടിൽ അ​ടി​യ​ന്തര​മാ​യി കൊ​ണ്ടു വ​ര​ണം. മ​നു​ഷ്യ​ത്വ​പ​ര​മാ​യ സ​മീ​പ​നം ഇക്കാര്യത്തിലുണ്ടാകണം. ജീ​വി​ക്കാൻ മ​തി​യാ​യ വേ​തനമെങ്കിലും പെൻഷൻ തുകയായി നൽകണം.