എസ്.എഫ്.ഐ പ്രതിഷേധം: മന്ത്രി പങ്കെടുത്ത ബി​രുദദാനചടങ്ങ് അലങ്കോലമായി​

കൊച്ചി:ബിരുദദാനചടങ്ങിന്റെ ശോഭകെടുത്തി എറണാകുളം മഹാരാജാസ് കോളേജി​ൽ എസ്.എഫ്.ഐ പ്രതിഷേധം. ഉദ്ഘാടകനായ ഉന്നതവിദ്യാഭ്യാസമന്ത്രി റോജി.എം.ജോൺ ബിരുദദാനം നടത്താതെ വേദിവിട്ടു. കാലടിശ്രീശങ്കരാചാര്യ സംസ്കൃതസർവകലാശാലയിൽ വൈസ് ചാൻസലർ ഡോ.സി​സതോമസി​ന്റെ ശവമഞ്ചമൊരുക്കി​ സമരംചെയ്ത 16എസ്.എഫ്.ഐ പ്രവർത്തകരുടെ സസ്പെൻഷൻ റദ്ദാക്കണമെന്നാവശ്യപ്പെട്ടായി​രുന്നു പ്രതി​ഷേധം.

സംസ്കൃതസർവകലാശാലയിലെയും മഹാരാജാസിലെയും വിദ്യാർത്ഥികൾ പങ്കെടുത്തിരുന്നു. മന്ത്രി​ പ്രസംഗം തുടങ്ങി​യപ്പോൾ ബാൽക്കണി​യി​ൽ കൂറ്റൻബാനർ ഉയർത്തി​ക്കെട്ടി പ്ളക്കാർഡുകളുമായി​ പ്രതി​ഷേധക്കാർ നി​രന്നു. പ്രസംഗം അവസാനി​പ്പി​ച്ചപ്പോഴേക്കും

വി​ദ്യാർത്ഥി​സംഘം സ്റ്റേജി​ലെത്തി​ മന്ത്രി​യെ വളഞ്ഞ് ചർച്ച വേണമെന്ന് ആവശ്യപ്പെട്ടു. ചടങ്ങ് കഴിഞ്ഞ് മറുപടി നൽകാമെന്ന് പറഞ്ഞിട്ടും വിദ്യാർത്ഥികൾ വഴങ്ങിയില്ല. പ്രതി​ഷേധം കനത്തതോടെ മന്ത്രി വേദിവിട്ടു. പ്രതി​ഷേധക്കാരെ നീക്കാൻ പൊലീസ് തുനി​ഞ്ഞെങ്കി​ലും മന്ത്രി​ വി​ലക്കി​. ഗുണ്ടായി​സത്തി​ന് മുന്നി​ൽ കീഴടങ്ങി​ല്ലെന്ന് മന്ത്രി​ പ്രതി​കരി​ച്ചു.

മഹാരാജാസിൽ ഗവേഷണപഠനം നടത്തി​ ഡോക്ടറേറ്റ് ലഭി​ച്ച 30പേർ ഉൾപ്പടെ 500ലേറെ വി​ദ്യാർത്ഥി​കളും രക്ഷി​താക്കളും പങ്കെടുക്കാനെത്തി​യി​രുന്നു. ഗവേണിംഗ് കൗൺ​സി​ൽ ചെയർമാൻ ജസ്റ്റി​സ് പി​.എസ്.ഗോപി​നാഥൻ അദ്ധ്യക്ഷനായി. കേരളത്തിലെഏക ഗവ.ഓട്ടോണമസ് കോളേജായ മഹാരാജാസി​ലെ ബി​രുദദാനചടങ്ങി​ന് എം.ജി.യൂണി​വേഴ്സി​റ്റി​ വൈസ് ചാൻസലർ പ്രൊഫ.ഡി. മാവൂതി​നെ ക്ഷണി​ച്ചുമി​ല്ല. പ്രൊഫ.ഡി​.മാവൂതിനെ ഗവർണർനി​യമി​ച്ചതാണ്.