പുനരുപയോഗ ഊർജ്ജം: കേരളത്തിന് പുറത്തും പദ്ധതികൾക്ക് ശുപാർശ

തിരുവനന്തപുരം: കേരളം 2040ൽ സോളാർ ഉൾപ്പെടെയുള്ള പുനരുപയോഗ ഊർജ്ജ ഉത്പാദനത്തിൽ സ്വയം പര്യാപ്തമാകണമെങ്കിൽ കേരളത്തിന് പുറത്തും പദ്ധതികൾ വേണമെന്ന് ശുപാർശ.വേൾഡ് റിസോഴ്‌സസ് ഇൻസ്റ്റിറ്റ്യൂട്ട് (ഡബ്ല്യൂ.ആർ.ഐ) കെ.എസ്.ഇ.ബിക്ക് വേണ്ടി തയ്യാറാക്കിയ റിപ്പോർട്ടിലാണിത്.

100% പുനരുപയോഗത്തിലേക്ക് മാറാൻ 27 ജിഗാവാട്ട് (27,000 മെഗാവാട്ട് ) വൈദ്യുതി വേണം. നിലവിലെ ഊർജ്ജ ഉത്പാദന രീതികൾ കൊണ്ട് ഈ ലക്ഷ്യത്തിലെത്താനാകില്ല.
മറ്റ് സംസ്ഥാനങ്ങളിൽ പുനരുപയോഗ ഊർജ്ജ പദ്ധതികൾ സ്ഥാപിച്ച് വൈദ്യുതി കേരളത്തിലേക്ക് കൊണ്ടു വരണം. കാറ്റാടികളടക്കം പുനരുപയോഗ ഊർജ്ജ പദ്ധതികളിൽ നിന്നുള്ള ദീർഘകാല കരാറുകളും വേണമെന്ന് റിപ്പോർട്ടിൽ പറയുന്നു.

2040 ഓടെ

സാദ്ധ്യമാകേണ്ടത് :

□ സൗരോർജം : 10.9 ജിഗാവാട്ട്

□കാറ്റാടികൾ :2.3 ജിഗാവാട്ട്
□തിരമാല: 4.9 ജിഗാവാട്ട്
□ബയോ എനർജി: 0.7 ജിഗാവാട്ട്
□ചെറുകിട ജലവൈദ്യുത പദ്ധതികൾ: 0.65 ജിഗാവാട്ട്

മറ്റ് പ്രധാന

നിർദ്ദേശങ്ങൾ
കാറ്റാടി മേഖലയി ചെറു ടർബൈനുകൾ, വികേന്ദ്രീകൃത ഉത്പാദനം പ്രോത്സാഹിപ്പിക്കണം.
സോളാറിൽ സർക്കാർ ഭൂമിയിൽ കൂടുതൽ പ്ലാന്റുകൾ, ഫ്‌ലോട്ടിംഗ് സോളാർ, റൂഫ് ടോപ്പ് പാനലുകൾ വ്യാപിപ്പിക്കണം.
ഫ്‌ലോട്ടിംഗ് സോളാർ, ബാറ്ററി സ്റ്റോറേജ്, ഗ്രീൻ ഹൈഡ്രജൻ എന്നിവയിൽ നിക്ഷേപം വേണം,