നിരാശപ്പെടുത്താതെ തുലാവർഷം; മഴപ്രതീക്ഷ നൽകി ന്യൂനമർദ്ദങ്ങൾ

തിരുവനന്തപുരം: കാലവർഷം ദുർബലമായി അവസാനിച്ചുവെങ്കിലും തുലാവർഷം പ്രതീക്ഷ നൽകുന്നു. എൽനിനോ സാഹചര്യത്തിനിടയിലും ഇടക്കിടെ രൂപപ്പെടുന്ന ന്യൂനമർദ്ദങ്ങൾ മഴയ്ക്ക് വഴിതുറക്കുകയാണ്. വരും ആഴ്ചകളിലും ന്യൂനമർദ്ദങ്ങൾ മഴയ്ക്ക് സാഹചര്യം ഒരുക്കാൻ സാദ്ധ്യതയുണ്ട്.

ബംഗാൾ ഉൾക്കടലാണ് ന്യൂനമർദ്ദങ്ങളുടെ കേന്ദ്രമായി മാറുന്നത്. ഒരാഴ്ചക്കിടെ രണ്ട് ചുഴലിക്കാറ്റുകളും രൂപപ്പെട്ടിരുന്നു. ഈ മാസം വീണ്ടും ന്യൂനമർദ്ദങ്ങൾ രൂപമെടുക്കാമെന്നാണ് കാലാവസ്ഥാ നിരീക്ഷകർ പറയുന്നത്.
തുലാവർഷത്തിൽ ഇതുവരെ ശരാശരി മഴ ലഭിച്ചു. കാലാവസ്ഥാ വകുപ്പിന്റെ കണക്ക് പ്രകാരം ലഭിച്ച മഴയുടെ അളവ് 'നോർമൽ'ആണ്. 340 മി.മീ മഴ ലഭിക്കേണ്ട സ്ഥാനത്ത് 282.9 മി.മീ മഴ പെയ്തു. 17% മാത്രമാണ് മഴക്കുറവ്. 19 ശതമാനത്തിന് മുകളിൽ മഴ കുറയുമ്പോഴാണ് 'മഴക്കുറവ്' വിഭാഗത്തിൽ വരിക. തുലാവർഷം തുടങ്ങിയശേഷം തൃശൂർ ജില്ലയിൽ 21% അധികമഴ ലഭിക്കുകയും ചെയ്തു. കേരളത്തിൽ തുലാവർഷം ആശ്വാസം നൽകുന്നുണ്ടെങ്കിലും മാഹിയിൽ വലിയ മഴക്കുറവാണ്. ഇവിടെ 94% ആണ് മഴക്കുറവ്. 291.9 മി.മീ മഴ ലഭിക്കേണ്ട സ്ഥാനത്ത് 18.4 മി.മീ മാത്രമാണ് പെയ്തത്.

മഴയിൽ കണ്ണുനട്ട്

കെ.എസ്.ഇ.ബിയും
തുലാവർഷം സജീവമാകുന്നതിൽ വലിയ ആശ്വാസം കെ.എസ്.ഇ.ബിക്കാണ്. ഡാമുകളിലെ ജലനിരപ്പ് ഉയരുന്നതിനപ്പുറം ,ചൂട് കുറയുന്നതും അതനുസരിച്ച് വൈദ്യുതി ഉപഭോഗം കുറയുന്നതും ആശ്വാസമാവും. നവംബർ, ഡിസംബർ മാസങ്ങളിൽ ഉപഭോഗം ഉയർന്നാൽ വൈദ്യുതി പ്രതിസന്ധിക്കു സാദ്ധ്യതയുണ്ട്.നിലവിൽ സംസ്ഥാനത്തെ കെ.എസ്.ഇ.ബി ഡാമുകളിലെ ആകെ ജലനിരപ്പ് 65% ആയി ഉയർന്നിട്ടുണ്ട്. ഇടുക്കിയിൽ മാത്രം 63% വെള്ളമുണ്ട്.

ഞാ​യ​ർ​ ​വ​രെ
മ​ഴ​യ്ക്ക് ​സാ​ദ്ധ്യത

തി​രു​വ​ന​ന്ത​പു​രം​:​ ​സം​സ്ഥാ​ന​ത്ത് ​ഞാ​യ​റാ​ഴ്ച​ ​വ​രെ​ ​ഒ​റ്റ​പ്പെ​ട്ട​യി​ട​ങ്ങ​ളി​ൽ​ ​ഇ​ടി​മി​ന്ന​ലോ​ടു​ ​കൂ​ടി​യ​ ​മ​ഴ​യ്ക്കും​ ​മ​ണി​ക്കൂ​റി​ൽ​ 30​-40​ ​കി​ലോ​മീ​റ്റ​ർ​വ​രെ​ ​വേ​ഗ​ത​യി​ൽ​ ​ശ​ക്ത​മാ​യ​ ​കാ​റ്റി​നും​ ​സാ​ദ്ധ്യ​ത​യെ​ന്ന് ​കേ​ന്ദ്ര​ ​കാ​ലാ​വ​സ്ഥ​ ​വ​കു​പ്പ്.​ ​തെ​ല​ങ്കാ​ന​യു​ടെ​ ​കി​ഴ​ക്ക​ൻ​ ​മേ​ഖ​ല​യ്ക്കും​ ​തീ​ര​ദേ​ശ​ ​ആ​ന്ധ്രാ​പ്ര​ദേ​ശി​നും​ ​മു​ക​ളി​ൽ​ ​തീ​വ്ര​ന്യൂ​ന​മ​ർ​ദ്ദം​ ​സ്ഥി​തി​ ​ചെ​യ്യു​ന്നു​ണ്ട്.​ ​ഇ​ത് ​വ​ട​ക്കോ​ട്ട് ​നീ​ങ്ങി​ ​ശ​ക്തി​കൂ​ടി​യ​ ​ന്യൂ​ന​മ​ർ​ദ്ദ​മാ​യി​ ​മാ​റും.​ ​ഇ​തി​നൊ​പ്പം​ ​ല​ക്ഷ​ദ്വീ​പി​നും​ ​സ​മീ​പ​പ്ര​ദേ​ശ​ങ്ങ​ൾ​ക്കു​ ​മു​ക​ളി​ലും​ ​തെ​ക്ക​ൻ​ ​ത​മി​ഴ്നാ​ടി​ന് ​മു​ക​ളി​ലും​ ​ച​ക്ര​വാ​ത​ച്ചു​ഴി​യും​ ​രൂ​പ​പ്പെ​ട്ടു.​ ​ഇ​ത് ​കേ​ര​ള​മ​ട​ക്ക​മു​ള്ള​ ​സം​സ്ഥാ​ന​ങ്ങ​ളി​ൽ​ ​മ​ഴ​സാ​ദ്ധ്യ​ത​ ​കൂ​ട്ടു​ന്നു.