പൊലീസ് പെൻഷനേഴ്സ് അസോ. മേഖലാ സമ്മേളനം

തളിപ്പറമ്പ്: കുടിശ്ശികയായ ആനുകൂല്യങ്ങൾ ഉടൻ വിതരണം ചെയ്യണമെന്ന് കേരളാ പൊലീസ് പെൻഷനേഴ്സ് അസോസിയേഷൻ തളിപ്പറമ്പ് മേഖലാ സമ്മേളനം ആവശ്യപ്പെട്ടു. കെ.ജെ ഫ്രാൻസിസ് നഗറിൽ കെ.എസ്.എസ്.പി.യു
ജില്ലാ ട്രഷറർ പി.പി ദാമോദരൻ ഉദ്ഘാടനം ചെയ്തു. പി. ഹംസ അദ്ധ്യക്ഷനായി. സി. സതീശൻ അനുശോചന പ്രമേയവും ഇ.വി രാജേന്ദ്രൻ പ്രവർത്തന റിപ്പോർട്ടും ജില്ലാ സെക്രട്ടറി എം. ഗോവിന്ദൻ സംഘടന റിപ്പോർട്ടും, എ.പി ചന്ദ്രൻ വരവു ചെലവ് കണക്കും അവതരിപ്പിച്ചു. ജില്ലാ സെക്രട്ടറി കെ.വി കൃഷ്ണൻ, കെ.വി മുഹമ്മദ് അഷറഫ് എന്നിവർ സംസാരിച്ചു. ഇ.വി രാജേന്ദ്രൻ സ്വാഗതവും എം. സുധാകരൻ നന്ദിയും പറഞ്ഞു. ഭാരവാഹികൾ: വി.പി കോരൻ (പ്രസിഡന്റ്), എം. സുധാകരൻ (വൈസ് പ്രസിഡന്റ്), ഇ.വി രാജേന്ദ്രൻ (സെക്രട്ടറി), സി. സതീശൻ (ജോയിന്റ് സെക്രട്ടറി), എ,വി ശ്രീനിവാസൻ (ട്രഷറർ).