യമുനയിൽ മുങ്ങിക്കുളിച്ച് ബിജെപി എംപി; നദി ശുദ്ധമാണെന്ന് അവകാശവാദം, തിരിച്ചടിയായി കണക്കുകൾ

എന്നാൽ, ബിജെപിയുടെ അവകാശവാദങ്ങൾ തള്ളി എഎപി രംഗത്തെത്തി. പല്ല മുതൽ വസീറാബാദ് വരെയുള്ള ഭാഗം മാത്രമാണ് താരതമ്യേന ശുദ്ധമെന്നും വസീറാബാദ് മുതൽ ഓഖ്‌ല വരെയുള്ള 22 കിലോമീറ്റർ ഭാഗം കടുത്ത മലിനീകരണം നേരിടുന്നുണ്ടെന്നും എഎപി നേതാവ് സൗരഭ് ഭരദ്വാജ് പറഞ്ഞു. മനോജ് തിവാരിയും ജലവിഭവ മന്ത്രി പർവേഷ് വർമ്മയും കാളിന്ദി കുഞ്ചിൽനിന്ന് യമുനാജലം കുടിക്കാൻ തയ്യാറാകണമെന്നും അദ്ദേഹം വെല്ലുവിളിച്ചു.

അതേസമയം, മലിനീകരണ നിയന്ത്രണ സമിതിയുടെ കണക്കുകൾ യമുനയുടെ പല ഭാഗങ്ങളിലെയും ജലം കുളിക്കാൻ സുരക്ഷിതമല്ലെന്ന് വ്യക്തമാക്കുന്നു. ഐടിഒയിൽ ബിഒഡി നില അനുവദനീയമായതിന്റെ ആറിരട്ടിയാണ്. ഐഎസ്ബിടിയിൽ ഫീക്കൽ കോളിഫോം അളവ് നിശ്ചിത പരിധിയുടെ 14 മടങ്ങുമാണ്. മലിനീകരണം കുറഞ്ഞിട്ടുണ്ടെങ്കിലും യമുന പൂർണമായും ശുദ്ധമായിട്ടില്ലെന്നാണ് കണക്കുകൾ വ്യക്തമാക്കുന്നത്.

ദിവസങ്ങൾക്ക് മുൻപ് കേന്ദ്ര ആഭ്യന്തര മന്ത്രി അമിത് ഷാ 8,941 കോടി രൂപയുടെ 43 യമുനാ ശുദ്ധീകരണ പദ്ധതികൾക്ക് തുടക്കം കുറിച്ചിരുന്നു. 2029 മേയ് മാസത്തോടെ ഡൽഹിയിലൂടെ ഒഴുകുന്ന യമുനയുടെ ഭാഗം പൂ‌ർണമായും ശുദ്ധീകരിക്കുമെന്നാണ് ബിജെപി സർക്കാരിന്റെ വാഗ്‌ദാനം.