സ്വകാര്യ കമ്പനികൾക്കും സി.ബി.എസ്.ഇ സ്‌കൂൾ

ന്യൂഡൽഹി: സ്വകാര്യ കമ്പനികൾക്കും സി.ബി.എസ്.ഇ സ്‌കൂളുകൾ തുടങ്ങാൻ അനുമതി ലഭിച്ചേക്കും. ചട്ടങ്ങളിൽ ഭേദഗതി കൊണ്ടുവരാൻ സി.ബി.എസ്.ഇ തയ്യാറെടുക്കുന്നുവെന്നാണ് സൂചന. കമ്പനീസ് ആക്‌ടിലെ 'ബോ‌ഡി കോർപ്പറേറ്ര്" എന്ന വാക്കിൽ പറയുന്ന സ്ഥാപനങ്ങൾക്ക് അനുമതി നൽകാനാണ് നീക്കം. പ്രൈവറ്റ് കമ്പനികൾ, പബ്ലിക് കമ്പനികൾ, ലിമിറ്റഡ് ലൈബിലിറ്റി പാർട്ട്ണർഷിപ്പുകൾ, വിദേശ കമ്പനികൾ തുടങ്ങിയവയെയാണ് 'ബോ‌ഡി കോർപ്പറേറ്രുകളായി" കണക്കാക്കുന്നത്. സി.ബി.എസ്.ഇയുടെ നിലവിലെ ചട്ടപ്രകാരം ഇതു അനുവദനീയമല്ല. ട്രസ്റ്റുകൾക്കും രജിസ്റ്റേഡ് സൊസൈറ്റികൾക്കും അനുവദിച്ചിട്ടുണ്ട്.