ഭാര്യ വളർത്തുമൃഗം അല്ല:സുപ്രീംകോടതി

ന്യൂഡൽഹി: ഭാര്യ വളർത്തുമൃഗമല്ലെന്നും മാന്യമായി അവരോട് ഇടപെടണമന്നും സുപ്രീംകോടതി. ബീഹാറിലെ ഗാർഹിക പീഡനക്കേസിൽ പ്രതിയായ ഭർത്താവിന് മുൻകൂർ ജാമ്യം നിഷേധിച്ചു കൊണ്ടാണ് ജസ്റ്റിസുമാരായ അരവിന്ദ് കുമാർ, പി.ബി. വരാലെ എന്നിവരടങ്ങിയ ബെഞ്ച് ഈ പരാമർശം നടത്തിയത്. പാട്ന ഹൈക്കോടതി ജാമ്യാപേക്ഷ തള്ളിയതോടെ ഭർത്താവ് സുപ്രീംകോടതിയെ സമീപിക്കുകയായിരുന്നു. മൂന്ന് വിവാഹം കഴിച്ച ഭർത്താവ് വീട്ടുചെലവോ നൽകുന്നില്ല. മദ്യപിച്ചു വന്ന് മർദ്ദിക്കുകയും അസഭ്യം പറയുകയും ചെയ്യുന്നുവെന്നാണ് ആദ്യ ഭാര്യയുടെ പരാതി.